1 Yɔhana 5:1 - Nyaa Shɔɔ Ɓɔɔ Laa a Ɓɛɛ

¹ Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

1 Yɔhana 5:1 Σταυροειδείς Αναφορές

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Luka 7:5

Ka ruu ɓɔɔ, kasɛ ruu zang ɓuru dɔɔli ɓɛɛ. Wukɔ ti mãa ruu gãa zɔɔ kpalɛnang ɓuru.”

Yɔhana 1:3

Laa mãarɛ vuu ɓɔɔ ka koo keɓe piti nɛɛ wukɔ. Vuu ɓɔɔ kagn gbete ka teteng vuu ɓɔɔ Laa mãarɛ ka koo keɓe, ɓɔɔ Laa mãa nɛɛ wu kpang, kagn kpang.

Yɔhana 15:23

Zang ɓɔɔ nɛɛ bɛ̃ɛ m, bɛ̃ɛ Daa mɛɛ ɓi doo katɔ kɔ.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 6:69

Ruu shing danggn tɔ, a ruu ti zi tɔ nɛɛ mɔkɔ ɓaa zang ɓɔɔ Laa zɔ̃ng katɔ ɓɛɛ.”

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 8:36

Ri daa kana ka gbalang, a ri naa a ka nɔng ɓɔɔ mii kagn ɓɛɛ. Yɔɔ ɓɔɔ bii varɛ ɓiɓɛ vɔ katɔ keɓe kɔɔyi tɔɔ, “Mii keɓe, palɛ m batizima ta.”

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

1 Yɔhana 2:10

Zang ɓɔɔ kasɛ ruu ɓeezung katɔ, nwàng ɓi ka nɔng ɓɔɔ yakɛ katɔ ɓɛɛ. Vuu ɓɔɔ shing zang, zang palɛ vuu shi kpang, ɓi ka bii ɓiɓɛ kpang.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?

1 Yɔhana 3:9

Zang ɓɔɔ nɛɛ jaa Laa piti, palɛ vuu shi kpang ɓi sasak kpang, ka ruu ɓɔɔ, yeti ɓɔɔ Laa tarɛ kagn yeti ɓiɓɛ ɓɛɛ. Pálɛ̀ vuu shi kpang ɓi jong kpang, ka ruu ɓɔɔ, wu ɓi kaa jaa Laa ɓɛɛ.

1 Yɔhana 4:2

Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?

1 Yɔhana 4:7

Rɛɛ masang ɓɔɔ n kasɛ nɔɔ katɔ dɔɔli ɓɛɛ, ruu kasɛ nɔɔ ruu zɔɔ katɔ, ka ruu ɓɔɔ, zang kasɛnang a ɓi nɛɛ bii Laa ɓɛɛ. Zang ɓɔɔ kasɛ ruu zang, ɓi zang Laa kɔ, ti zi Laa ɓi katɔ.

1 Yɔhana 5:18

Ruu zì tɔ nɛɛ, zang ɓɔɔ Laa yirɛ, huu shoo ɓi nɛɛ vuu shi kpang palɛnang kpang. Ka ruu ɓɔɔ, Jaa Laa yiti wu katɔ ɓɛɛ. Sheetang pálɛ̀ wu vuu ɓɔɔ ɓi kpang.

1 Yɔhana 5:4

Ka ruu ɓɔɔ, zang ɓɔɔ zang Laa, Laa a wu naa ɓɔɔ wu ɓa yuu vuu ɓɔɔ nwãarɛ zang ka koo keɓe tɔ ɓɛɛ. Danggn ɓɔɔ ruu shing ka bii Laa wukɔ á ruu naa, ruu ɓa yuu vuu ɓɔɔ nwãarɛ zang ka koo keɓe ɓɛɛ.

1 Yɔhana 5:5

Ɓu wi ɓa yuu vuu ɓɔɔ nwãarɛ zang ka koo keɓe yuu wiya? Zang ɓɔɔ shing danggn nɛɛ Yeesɔ Jaa Laa ɓɛɛ.