1 Yɔhana 4:7 - Nyaa Shɔɔ Ɓɔɔ Laa a Ɓɛɛ

⁷ Rɛɛ masang ɓɔɔ n kasɛ nɔɔ katɔ dɔɔli ɓɛɛ, ruu kasɛ nɔɔ ruu zɔɔ katɔ, ka ruu ɓɔɔ, zang kasɛnang a ɓi nɛɛ bii Laa ɓɛɛ. Zang ɓɔɔ kasɛ ruu zang, ɓi zang Laa kɔ, ti zi Laa ɓi katɔ.

1 Yɔhana 4:7 Σταυροειδείς Αναφορές

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

1 Koranti 8:3

A zang ɓɔɔ kasɛ Laa, Laa zi wukɔ nɛɛ wu zang ɓiɓɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

2 Timoti 1:7

Ka ruu ɓɔɔ, Suru ɓɔɔ Laa a ruu, ɓi ɓɔɔ shing ruu, ruu tuuru yusɛ̃ɛ kpang ɓɛɛ. Suru Laa keɓe, shing ruu, rùu shii ɓuru nɛɛ kaka kɔ jong, ruu kasɛ ruu zang, ruu ti yiti yuu ɓuru waasɛ̃.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Yɔhana 2:10

Zang ɓɔɔ kasɛ ruu ɓeezung katɔ, nwàng ɓi ka nɔng ɓɔɔ yakɛ katɔ ɓɛɛ. Vuu ɓɔɔ shing zang, zang palɛ vuu shi kpang, ɓi ka bii ɓiɓɛ kpang.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 2:3

Naa ruu ɓa nyaa ɓɔɔ Laa dang kpang, ruu zi ka wukɔ nɛɛ ruu zi wu tɔ.

1 Yɔhana 2:4

Shɔnzang ɓɔɔ kɔɔyi tɔɔ, “N zi wu tɔ,” a ti shing jĩng ka nyaa ɓɔɔ wu dang ɓɛɛ kpang, ɓi zang sèé. Ruu ɓɔɔ niizang ɓi kagn yeti ɓiɓɛ kpang.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 3:9

Zang ɓɔɔ nɛɛ jaa Laa piti, palɛ vuu shi kpang ɓi sasak kpang, ka ruu ɓɔɔ, yeti ɓɔɔ Laa tarɛ kagn yeti ɓiɓɛ ɓɛɛ. Pálɛ̀ vuu shi kpang ɓi jong kpang, ka ruu ɓɔɔ, wu ɓi kaa jaa Laa ɓɛɛ.

1 Yɔhana 4:11

Rɛɛ masang ɓɔɔ n kasɛ nɔɔ katɔ dɔɔli ɓɛɛ, Laa nɛɛ kasɛ ruu ɓuru naa weɓe, ruu kasɛ nɔɔ ruu zɔɔ ta jong.

1 Yɔhana 4:12

Zang ɓɔɔ zi Laa gngn nɛɛ jĩng kpang. Ruu nɛɛ kasɛ ruu zɔɔ katɔ, Laa kagn yeti ɓuru. Ruu zang kasɛnang ɓɔɔ Laa ti kagn yeti ɓuru niizang.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?

1 Yɔhana 4:8

Zang ɓɔɔ kasɛ ruu zang kpang, zi Laa ɓi kpang, ka ruu ɓɔɔ, vuu piti ɓɔɔ Laa palɛ, palɛ ɓi ka ruu zang kasɛnang ɓɔɔ ka yeti ɓiɓɛ ɓɛɛ.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

2 Yɔhana 1:5

N gàá mɔɔ katɔ jaa soro, n bèé mɔɔ wu nyaa shɔɔ kpang, ɓi doo ɓɔɔ gbaala ɓɔɔ ruu tãa ka diki ɓɔɔ ruu gaayu Ruu Laa tanang ɓɛɛ. Laa kɔɔyi tɔɔ, ruu kasɛ ruu zɔɔ katɔ.