1 Yɔhana 4:21 - Nyaa Shɔɔ Ɓɔɔ Laa a Ɓɛɛ

²¹ Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.

1 Yɔhana 4:21 Σταυροειδείς Αναφορές

Matiyu 5:43

“Nɔɔ ti tãa ruu ɓɔɔ Laa kɔɔ zang ka tĩng ɓɛɛ tɔ. Laa tɔɔ, ‘Nɔɔ kàsɛ́ ruu zang ɓɔɔ kasɛ nɔɔ katɔ, nɔ́ɔ bɛ̃ɛ zang ɓɔɔ nɔɔ shing jĩng nɛɛ zɔɔ kpang ɓɛɛ.’

Luka 10:37

A yɔɔ ɓɔɔ zi labeenang Laa dɔɔli kasɛ wu nyaa tɔɔ, “Yɔɔ Samariya ɓɔɔgn yɔɔ kɔng wu ɓɛɛ.” A Yeesɔ risi nyaa kɔɔ wu tɔɔ, “Dita mɔɔ daa palɛ jong naa yɔɔ Samariya kaɓa.”

Yɔhana 15:12

N dang nyaa n tɔɔ, nɔɔ yi tĩng ka ɓɔɔ nɔɔ kàsɛ́ zɔɔ katɔ, naa ɓɔɔ n kasɛ nɔɔ ɓɛɛ.

Galati 5:14

Vuu ɓɔɔ nyaa dannang nandon ri kɔɔyi, daa ɓi gbete nɛɛ ɓɔɔ kɔɔyi tɔɔ, “Kasɛ ruu shɔnzang naa ɓɔɔ mɔɔ kasɛ yuu ɓaaɓɛ ɓɛɛ.”

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Tesalonika 4:9

Ka ruu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ɓɛɛ, daa naa ɓɔɔ ruu bee labeenang ka yuu ruu keɓe kpang. Ka ruu ɓɔɔ, nɔɔ nɛɛ yuu manɛ, Laa tusu nɔɔ naa ɓɔɔ nɔɔ kasɛ zɔɔ tɔ ɓɛɛ.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 3:11

Wee ruu ɓɔɔ nɔɔ tãa ka tĩng shɔɔnang kɔ, nɛɛ ruu kasɛ ruu zɔɔ katɔ.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 4:11

Rɛɛ masang ɓɔɔ n kasɛ nɔɔ katɔ dɔɔli ɓɛɛ, Laa nɛɛ kasɛ ruu ɓuru naa weɓe, ruu kasɛ nɔɔ ruu zɔɔ ta jong.