1 Yɔhana 4:2 - Nyaa Shɔɔ Ɓɔɔ Laa a Ɓɛɛ

² Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.

1 Yɔhana 4:2 Σταυροειδείς Αναφορές

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

1 Koranti 12:3

Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Yɔhana 1:2

Ɓɔɔ Laa naa nwangsɛ wu yuu, ruu zi wu, a ruu ti kɔɔ nɔɔ vuu ɓɔɔ ruu zi nɛɛ jĩng ɓuru. Ruu kɔɔ nɔɔ ruu zang ɓɔɔ nwáng nɛɛ Daa ka tĩng, a Daa naa nwàngsɛ̀ ruu wu kati.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

1 Yɔhana 4:3

Suru ɓɔɔ kɔɔyi nɛɛ Yeesɔ tuu bii shɔnzang kpang, ɓi Suru Laa kpang. Suru keɓe a ɓi nɛɛ bii zang ɓɔɔ shing jĩng nɛɛ Kirisi kpang, ɓɔɔ nɔɔ tãa nyaa nɛɛ a ditɔ ɓɛɛ. Zang kaɓa a tɔ ka koo kãntang keɓe.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

2 Yɔhana 1:7

Zang ɓɔɔ ri nwãarɛ zang, ri baa koolaa tɔ dɔɔli. Ri kɔɔrɔ zang nɛɛ Yeesɔ Kirisi ɓɔɔ a ka koo keɓe, tuu ɓi bii shɔnzang kpang. Zang ɓɔɔ kɔɔrɔ zang naa weɓe, wukɔ zang ɓɔɔ nwãarɛ zang ɓɛɛ, wukɔ ti zang ɓɔɔ shing jĩng nɛɛ Yeesɔ kpang ɓɛɛ.