1 Yɔhana 4:14 - Nyaa Shɔɔ Ɓɔɔ Laa a Ɓɛɛ

¹⁴ Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

1 Yɔhana 4:14 Σταυροειδείς Αναφορές

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 12:47

Zang ɓɔɔ nɛɛ tãa ruu mɛɛ, nɛɛ yiti ka yeti ɓiɓɛ kpang, n dɔng wu ruu kpang, ka ruu ɓɔɔ, n arɛ nɛɛ n naa dɔng zang koo ruu kpang ɓɛɛ. N arɛ nɛɛ n ta yuu zang koo katɔ kɔ jong ɓɛɛ.

Yɔhana 3:11

N kɔ̀ɔ́ mɔɔ ruu ɓɔɔ niizang kɔ nwani, rùu ráng yee ɓuru, ka yuu vuu ɓɔɔ ruu zi tɔ ɓɛɛ. Ruu ti kɔ̀ɔ́ ɓuru vuu ɓɔɔ ruu zi nɛɛ jĩng ɓuru ɓɛɛ, a mɔɔ ta vuu ɓɔɔ ruu kɔɔ ɓɛɛ kpang.

Yɔhana 3:32

Zang keɓe rang yee ka yuu vuu ɓɔɔ wu zirɛ, a ti tãa ɓɛɛ. A zang ɓɔɔ ta vuu ɓɔɔ wu kɔɔ ɓɛɛ, kagn gbete kpang.

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Yɔhana 4:42

A ri kɔɔ jaa soro tɔɔ, “Rùu shing danggn wu ka ruu vuu ɓɔɔ mɔɔ kɔɔ ruu kpang. Ruu tãa ruu ɓiɓɛ tɔ nɛɛ shoo ɓuru, a ruu ti zi tɔ niizang, nɛɛ yɔɔ keɓe kɔ naa ta yuu zang koo.”

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

1 Yɔhana 5:9

Ruu nɛɛ ta vuu ɓɔɔ zang kɔɔ katɔ nɛɛ niizang, vuu ɓɔɔ Laa kɔɔyi ɓa ɓɔɔ zang katɔ. Laa kɔɔyi nɛɛ, Yeesɔ Jaa ɓiɓɛ.