1 Yɔhana 3:9 - Nyaa Shɔɔ Ɓɔɔ Laa a Ɓɛɛ

⁹ Zang ɓɔɔ nɛɛ jaa Laa piti, palɛ vuu shi kpang ɓi sasak kpang, ka ruu ɓɔɔ, yeti ɓɔɔ Laa tarɛ kagn yeti ɓiɓɛ ɓɛɛ. Pálɛ̀ vuu shi kpang ɓi jong kpang, ka ruu ɓɔɔ, wu ɓi kaa jaa Laa ɓɛɛ.

1 Yɔhana 3:9 Σταυροειδείς Αναφορές

Matiyu 7:18

Laa tɔ̃ɔ, ra jaa shi kpang ɓi jong kpang. A ɓɔɔ shi kpang ti ra jaa ɓɔɔ tɔ̃ɔ ɓi doo kpang kɔ.

Yɔhana 1:13

Zang keɓe Laa yi ri. Zang yi ri naa ɓɔɔ shɔnzang yi jaa ɓɛɛ kpang. Zang ti yi ri nɛɛ bii shɔnzang kpang. Ɓi ti ka gbalang ɓɔɔ zang varɛ kasɛ ɓɛɛ kpang. Laa nɛɛ yuu ɓiɓɛ ɓi wukɔ Daa ɓarɛ.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Zang Shonang Yeesɔ 4:20

Ka ruu ɓɔɔ, ruu zunung naa ɓɔɔ ruu yaa vuu ɓɔɔ ruu zi nɛɛ jĩng ɓuru, a ruu ti tãa nɛɛ shoo ɓuru kɔɔnang kpang ɓɛɛ.”

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:6

Zang ɓɔɔ nwàng nɛɛ Kirisi a ti dũng ruu ɓiɓɛ, huu shoo nɛɛ vuu shi kpang palɛnang kpang. Zang ɓɔɔ huu shoo nɛɛ vuu shi kpang palɛnang, zi wu nung kpang, ti zi wu gn nɛɛ jĩng kpang.

1 Yɔhana 4:7

Rɛɛ masang ɓɔɔ n kasɛ nɔɔ katɔ dɔɔli ɓɛɛ, ruu kasɛ nɔɔ ruu zɔɔ katɔ, ka ruu ɓɔɔ, zang kasɛnang a ɓi nɛɛ bii Laa ɓɛɛ. Zang ɓɔɔ kasɛ ruu zang, ɓi zang Laa kɔ, ti zi Laa ɓi katɔ.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

1 Yɔhana 5:18

Ruu zì tɔ nɛɛ, zang ɓɔɔ Laa yirɛ, huu shoo ɓi nɛɛ vuu shi kpang palɛnang kpang. Ka ruu ɓɔɔ, Jaa Laa yiti wu katɔ ɓɛɛ. Sheetang pálɛ̀ wu vuu ɓɔɔ ɓi kpang.

1 Yɔhana 5:4

Ka ruu ɓɔɔ, zang ɓɔɔ zang Laa, Laa a wu naa ɓɔɔ wu ɓa yuu vuu ɓɔɔ nwãarɛ zang ka koo keɓe tɔ ɓɛɛ. Danggn ɓɔɔ ruu shing ka bii Laa wukɔ á ruu naa, ruu ɓa yuu vuu ɓɔɔ nwãarɛ zang ka koo keɓe ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.