1 Yɔhana 3:7 - Nyaa Shɔɔ Ɓɔɔ Laa a Ɓɛɛ

⁷ Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

1 Yɔhana 3:7 Σταυροειδείς Αναφορές

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Luka 1:75

Ruu nwáng zang ɓɔɔ shi kpang kagn yeti ɓuru kpang, ruu ti palɛ vuu kaa naa ɓɔɔ Laa kasɛ ɓɛɛ ka diki ɓɔɔ ruu doo ningkãari ka koo keɓe nandon.”

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Rooma 2:13

Ka ruu ɓɔɔ, zang raa zang tɔ̃ɔ ka ting Laa, wu ka rúu Ruu Laa ɓɔɔ zang tãa ɓɛɛ kɔ shɛ̃ɛning kpang. Ɓi zang ɓɔɔ ri palɛ vuu ɓɔɔ Laa dang nyaa nɛɛ zang palɛ ɓɛɛ kɔ, Laa ɓáa ri nɛɛ ri zang tɔ̃ɔ.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Yahudi 1:8

Ka yuu Jaa ɓiɓɛ, Laa kɔɔyi nɛɛ, “Mɔkɔ Laa, kpanti roonang ɓaaɓɛ ɓi ɓɔɔ gbinggbing ɓɛɛ. Vuu ɓɔɔ mɔɔ palɛ teetee, wukɔ nwang laa naa yitinang, ɓɔɔ mɔɔ roo kpanti nɛɛ mani ɓɛɛ.

Yahudi 7:2

A Ibirayi basɛ vuu ɓɔɔ wu see ka nyaa sĩiri vàa kopi á a wu vàa gbete. Dĩiri nung Malakisadak ɓɔɔ tĩng shɔɔnang ɓi, “Kpanti zang ɓɔɔ ri zang tɔ̃ɔ ka tĩng Laa ɓɛɛ” a ɓɔɔ kaa, “Kpanti Salama” ɓi kaa, “Kpanti ɓɔɔ shingnɛ zang ri nwang ka nyaa zɔɔ” ɓɛɛ.

Yakubu 1:22

Nɔɔ palɛ vuu ɓɔɔ ruu keɓe kɔɔ ɓɛɛ katɔ. Nɔ́ɔ nwãarɛ yuu manɛ nɛɛ ruu tãanang kɔ shɛ̃ɛning kpang.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.

1 Yɔhana 2:26

N bèé nɔɔ vuu keɓe, ka yuu zang ɓɔɔ ri kongso nɛɛ ri nwãarɛ nɔɔ ɓɛɛ.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.