1 Yɔhana 3:10 - Nyaa Shɔɔ Ɓɔɔ Laa a Ɓɛɛ

¹⁰ Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:10 Σταυροειδείς Αναφορές

Matiyu 13:38

Jaa ɓɔɔ zee ta kagn ɓi koolaa. Jĩng zee ɓɔɔ tɔ̃ɔ, ɓi kaa zang ɓɔɔ ri tà Laa, nɛɛ wukɔ Kpanti ɓɛɛ. Zee lɔɔwɔ, ɓi zang ɓɔɔ ri palɛ vuu ɓɔɔ Sheetang kasɛ ɓɛɛ.

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Yɔhana 8:47

Zang ɓɔɔ ɓi zang Laa, ɓaa shoo ɓi ka Ruu Laa. Nɔɔ manɛ zang Laa kpang, ka ruu nɔngkɔ, nɔɔ kasɛ shoo ɓaanang ka ruu mɛɛ kpang.”

Zang Shonang Yeesɔ 13:10

a kɔɔyi tɔɔ, “Jaa suru shi kpang kiɓi. Mɔkɔ kasɛ kpang nɛɛ zang pálɛ̀ vuu ɓɔɔ tɔ̃ɔ kpang. Yeti ɓaaɓɛ ɓi zang nwãarɛnang kɔ shɛ̃ɛning. Mɔɔ kãa gbalang diki diki nɛɛ mɔɔ risi Ruu Laa wu nwang kaa naa sèé.

Rooma 13:8

Zang ɓɔɔ wu dũ̀ng nɔɔ nyaa kɔ́pɔ́ vuu ɓɔɔ kpang. Zang ɓɔɔ wu dũng nɔɔ nyaa kɔ́pɔ́ ruu zang kasɛnang kɔ shɛ̃ɛning. Ka ruu ɓɔɔ, zang piti ɓɔɔ nɛɛ kasɛ ruu shɔnzang katɔ, dṹng vuu ɓɔɔ nyaa dannang Laa kɔɔ ɓɛɛ tɔ.

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

Kolosi 3:14

Ka yuu rɛɛ vuu keɓe, nɔɔ kàsɛ̀ ruu zɔɔ katɔ. Zɔɔ kasɛnang kɔ ɓákɛ̀ vuu piti wu nwang gbete.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.

1 Yɔhana 4:6

Ruu ɓuru zang Laa. Zang ɓɔɔ zi Laa katɔ, ri ɓaa shoo ɓi katɔ nyaa ɓuru. Zang ɓɔɔ zang Laa kpang, ti ɓaa shoo ɓi ka nyaa ɓuru kpang. Ruu zi suru ɓɔɔ niizang, nɛɛ suru ɓɔɔ sèé nung naa weɓe kɔ.

1 Yɔhana 4:8

Zang ɓɔɔ kasɛ ruu zang kpang, zi Laa ɓi kpang, ka ruu ɓɔɔ, vuu piti ɓɔɔ Laa palɛ, palɛ ɓi ka ruu zang kasɛnang ɓɔɔ ka yeti ɓiɓɛ ɓɛɛ.

1 Yɔhana 5:19

Ruu zi tɔ, ruu ɓuru wujɛ Laa. Zang ɓɔɔ dũ̀ng Laa kpang, ri ɓarɛ ka naa Sheetang.

1 Yɔhana 5:2

Ka ruu nɔngkɔ, ruu nɛɛ kasɛ Laa katɔ, a ruu nɛɛ ti dũng nyaa ɓɔɔ wu dang ɓɛɛ katɔ, ruu zi ka wukɔ nɛɛ, ruu kasɛ wujɛ Laa katɔ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.