1 Yɔhana 3:1 - Nyaa Shɔɔ Ɓɔɔ Laa a Ɓɛɛ

¹ Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.

1 Yɔhana 3:1 Σταυροειδείς Αναφορές

Luka 20:36

Ri ti vɔ ɓarɛ takpang dòndòng, ka ruu ɓɔɔ, ri nwáng ɓarɛ kaa naa zang nyaa shonang Laa ɓɔɔ ka lapa ɓɛɛ. Ri ɓarɛ kaa wujɛ Laa, ka ruu ɓɔɔ, zang wisi ri paa tɔ nɛɛ saa ɓɛɛ.

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 16:3

Zang ri palɛ nɔɔ vuu keɓe, ka ruu ɓɔɔ, ri zi Daa kpang, ri ti zi m kpang kɔ doori ɓɛɛ.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 8:19

Niizang, vuu ɓɔɔ Laa mã́arɛ̀ ɓɛɛ nandon, ri gã diki ɓɔɔ Laa naa nwàngsɛ́ wujɛ ɓiɓɛ bii ɓɛɛ.

Rooma 8:21

Nɛɛ wu ta yuu vuu kɔ wu mãarɛ ɓee ditɔ, tɔ̀ɔ, ri pũng kaa takpang. Tɔ̀ɔ, wu ti a ri bannang ɓɔɔ wu alɛ̀ wujɛ ɓiɓɛ ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

2 Koranti 6:18

N nwang Daa manɛ, tɔ̀ɔ, nɔ́ɔ nwang manɛ kaa wujɛ mɛɛ ɓɔɔ soro nɛɛ ɓɔɔ varɛ. Laa ɓɔɔ wukɔ ɓa zang piti bannang katɔ kɔ kɔɔ ruu keɓe.”

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.