1 Yɔhana 2:7 - Nyaa Shɔɔ Ɓɔɔ Laa a Ɓɛɛ

⁷ Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.

1 Yɔhana 2:7 Σταυροειδείς Αναφορές

Matiyu 5:43

“Nɔɔ ti tãa ruu ɓɔɔ Laa kɔɔ zang ka tĩng ɓɛɛ tɔ. Laa tɔɔ, ‘Nɔɔ kàsɛ́ ruu zang ɓɔɔ kasɛ nɔɔ katɔ, nɔ́ɔ bɛ̃ɛ zang ɓɔɔ nɔɔ shing jĩng nɛɛ zɔɔ kpang ɓɛɛ.’

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Zang Shonang Yeesɔ 17:19

A ri ɓaa nyaa ka Bulu, ri daa nɛɛ wu ka nɔng ɓɔɔ zang ɓɔɔ ri jɛ̃ɛ zang ruu, ɓɔɔ zang ɓaa ri nɛɛ Ariyopagu ri kpalɛ zɔɔ ɓɛɛ. A ri kɔɔyi nɛɛ, “Ruu kasɛ mɔɔ kɔɔ rùu, rúu ka yuu vuu kɔ mɔɔ túsù ɓee.

Yahudi 6:9

Masang ɓɔɔ, n kasɛ nɔɔ dɔɔli ɓɛɛ, naa ruu ràng yee doo nɔngkɔ, ruu zi tɔ, ɓɔɔ manɛ, nɔɔ shìi manɛ ka vuu tɔ̃ɔ ɓɔɔ shingnɛ, Laa ta yuu manɛ ɓɛɛ.

1 Yɔhana 2:24

Nɔɔ yaa yee Laa ɓɔɔ nɔɔ tãa ka diki ɓɔɔ nɔɔ gaayu yee Laa tanang wu nwang ka yeti manɛ. Ruu Laa keɓe nɛɛ nwang tɔ ka yeti manɛ, nɔɔ nwang ditɔ ka nyaa zɔɔ nɛɛ Jaa Laa nɛɛ Daa ɓiɓɛ Laa.

1 Yɔhana 3:11

Wee ruu ɓɔɔ nɔɔ tãa ka tĩng shɔɔnang kɔ, nɛɛ ruu kasɛ ruu zɔɔ katɔ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 3:21

Masang ɓɔɔ n kasɛ nɔɔ dɔɔli ɓɛɛ, naa rɛ̃rɛnang ɓuru tusu ruu nɛɛ, ruu pálɛ̀ vuu ɓɔɔ shi kpang, kpàng, rùu kaa vɔrɔ ka tĩng Laa kpang.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

1 Yɔhana 4:11

Rɛɛ masang ɓɔɔ n kasɛ nɔɔ katɔ dɔɔli ɓɛɛ, Laa nɛɛ kasɛ ruu ɓuru naa weɓe, ruu kasɛ nɔɔ ruu zɔɔ ta jong.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.

1 Yɔhana 4:7

Rɛɛ masang ɓɔɔ n kasɛ nɔɔ katɔ dɔɔli ɓɛɛ, ruu kasɛ nɔɔ ruu zɔɔ katɔ, ka ruu ɓɔɔ, zang kasɛnang a ɓi nɛɛ bii Laa ɓɛɛ. Zang ɓɔɔ kasɛ ruu zang, ɓi zang Laa kɔ, ti zi Laa ɓi katɔ.