1 Yɔhana 2:6 - Nyaa Shɔɔ Ɓɔɔ Laa a Ɓɛɛ

⁶ Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.

1 Yɔhana 2:6 Σταυροειδείς Αναφορές

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Yɔhana 13:15

N tusu nɔɔ naa tɔ, nɔɔ palɛ vuu kɔ n pàlɛ̀ nɔɔ ɓee doo nɔngkɔ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

1 Koranti 11:1

Nɔɔ palɛ vuu doo naa ɓɔɔ n pálɛ̀ ɓɛɛ kɔ. Naa ɓɔɔ n palɛ naa ɓɔɔ Kirisi pálɛ́ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

1 Yɔhana 2:4

Shɔnzang ɓɔɔ kɔɔyi tɔɔ, “N zi wu tɔ,” a ti shing jĩng ka nyaa ɓɔɔ wu dang ɓɛɛ kpang, ɓi zang sèé. Ruu ɓɔɔ niizang ɓi kagn yeti ɓiɓɛ kpang.

1 Yɔhana 3:24

Zang ɓɔɔ nɛɛ ɓaa shoo ka nyaa ɓɔɔ Laa dangnɛ wukɔ nwàng ɓi nɛɛ Laa. Laa ti nwàng nɛɛ wu. Ruu zirɛ nɛɛ Laa nwàng nɛɛ ruu, ka suru bii ɓɔɔ wu a ruu ɓɛɛ.

1 Yɔhana 3:6

Zang ɓɔɔ nwàng nɛɛ Kirisi a ti dũng ruu ɓiɓɛ, huu shoo nɛɛ vuu shi kpang palɛnang kpang. Zang ɓɔɔ huu shoo nɛɛ vuu shi kpang palɛnang, zi wu nung kpang, ti zi wu gn nɛɛ jĩng kpang.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.