1 Yɔhana 2:20 - Nyaa Shɔɔ Ɓɔɔ Laa a Ɓɛɛ

²⁰ Kirisi a nɔɔ Suru Laa manɛ tɔ. Nɔɔ ti zi ruu ɓɔɔ niizang manɛ tɔ nandon.

1 Yɔhana 2:20 Σταυροειδείς Αναφορές

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Maraku 1:24

“Mɔɔ kãa vi ka bii ɓuru viya? Yeesɔ yɔɔ Nazara? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ nung tɔ, mɔkɔ zang tɔ̃ɔ ɓɔɔ à nɛɛ bii Laa ɓɛɛ.”

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 4:34

“Ayii. Yeesɔ yɔɔ Nazara, ruu, ɓaaɓɛ hãa kagn nɛɛ ruu ya? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ tɔɔ, mɔkɔ zang shonang Laa ɓɔɔ a nɛɛ bii Laa ɓɛɛ.”

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 3:14

“Pálɛ́ vuu shi kpang ɓi kpang, ɓi ti zang tɔ̃ɔ, nɔɔ bɛ̃ɛ wu doo nɛɛ mani. Nɔɔ gàa Bilatu nɛɛ wu pàlɛ̀ nɔɔ tɔ̃ɔ, wu yàa nɔɔ zang ɓɔɔ nyɔkɔ zang vɔrɔ kɔ naa jong.

1 Koranti 2:15

A zang ɓɔɔ Suru Laa ɓi kagn yeti ɓiɓɛ zi dĩiri vuu keɓe ɓi katɔ nandon, a zang ɓɔɔ ri ka koo keɓe ri zi vuu ɓɔɔ wu palɛ ɓɛɛ ɓi kaa takpang.

Yahudi 1:9

Mɔɔ kasɛ ɓaa nɛɛ zang nwang zang tɔ̃ɔ ka tĩng Laa, mɔɔ bɛ̃ɛ shi kpang ɓaa katɔ. Ka ruu nɔngkɔ, nkɔ Laa, ɓɔɔ n Làá ɓaaɓɛ, n shing mɔɔ ka yuu rɛɛ sangvaa ɓaaɓɛ ka ɓɔɔ n nwàa mɔɔ nung, ɓɔɔ shing mɔɔ mɔ́ɔ tãa tĩnang ɓɛɛ.”

Yahudi 8:11

Zang ɓu naa kasɛ nɛɛ wu tùsù zang nyaa gãa ɓiɓɛ nɛɛ ɓeezung vuu ɓɔɔ, a wu ti kɔɔyi nɛɛ, ‘Kpɛ̃ɛrɛ gbalang Laa ta,’ kpang. Ka ruu ɓɔɔ, ri nandon ri zi gbalang mɛɛ ditɔ ɓɛɛ. Vuu ɓɔɔ yi nɛɛ yuu wujɛ, daa nɔng ka yuu zang bang ɓɛɛ.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.

1 Yɔhana 4:13

Suru ɓiɓɛ ɓɔɔ wu a ruu, wukɔ tusu ruu nɛɛ, ruu nwang nɛɛ Laa, a Laa ti ka yeti ɓuru.

Yahuza 1:5

Ruu kɔ n tɔɔ n kɔ̀ɔ́ nɔɔ ɓee, nɔɔ zi tɔ. N tɔɔ n kpaa nɔɔ m danggn kaa naa ɓɔɔ Laa ta yuu zang Isirela nɛɛ tipi Masara ɓɛɛ, a nɛɛ knti naa ningsi zang ɓɔɔ ka teteng ɓarɛ ɓɔɔ ri shing danggn ka bii ɓiɓɛ kpang ɓɛɛ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.

Vuu ɓɔɔ zang nwangsɛ Yɔhana 4:8

Vuu dɛ̃ɛti ɓɔɔ suru bii kagn keɓe, vuu ɓu ta nasãng mangbete, bii ɓarɛ ɓi jĩng kɔ shɛ̃ɛning, ka dakn nɛɛ yeti piti. Ri yaa soo gáanang kpang, nɛɛ zĩi nɛɛ laagɛ̃, ri gaa soo nɛɛ, “Kpanti Laa ɓɔɔ mɔkɔ kpanti ka yuu vuu piti ɓɛɛ, shi kpang ɓi kagn bii ɓaaɓɛ kpang Mɔkɔ nwáng ɓaa ningkãari dòo ka tĩng tɛ̃ɛ tɛ̃ɛ, mɔɔ ti ɓaa ningkãari kãntang keɓe, mɔkɔ ti naa gbãayu tɔkn ka koo keɓe.”