1 Yɔhana 2:12 - Nyaa Shɔɔ Ɓɔɔ Laa a Ɓɛɛ

¹² Wujɛ mɛɛ, n bèé nɔɔ ruu keɓe, ka ruu ɓɔɔ, Laa yaa nɔɔ gbalang vuu shi kpang manɛ tɔ, ka ruu Yeesɔ Kirisi.

1 Yɔhana 2:12 Σταυροειδείς Αναφορές

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 5:20

Ɓɔɔ Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii vɔ katɔ tɔɔ, “Masang, n yaa mɔɔ gbalang vuu shi kpang ɓaaɓɛ tɔ.”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:38

“Ka ruu nɔngkɔ rɛɛ manzung, nɔɔ zirɛ, zang kɔɔ nɔɔ nɛɛ zang yàá nɔɔ gbalang vuu shi kpang manɛ katɔ ka ruu yɔɔ keɓe kɔ̀.

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 1:14

Jaa ɓɔɔ zang ta yuu ɓuru nɛɛ bii ɓiɓɛ, a zang yàa ruu gbalang vuu shi kpang ɓɔɔ rùu palɛ ɓɛɛ.

1 Yɔhana 1:4

Ruu bèé nɔɔ ruu keɓe, tɔ̀ɔ, tĩnang tãanang ɓuru wu ɓee nyaa kati.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.

1 Yɔhana 2:7

Masang ɓɔɔ n kasɛ nɔɔ katɔ dɔɔli ɓɛɛ, nyaa ɓɔɔ Laa dangnɛ kɔ n bèé nɔɔ ɓee, wu ɓɔɔ shɔɔ kpang. Ɓi dòo ɓɔɔ gbaala ɓɔɔ nɔɔ tãa ka diki ɓɔɔ nɔɔ gaayu Ruu Laa tãanang ɓɛɛ.