1 Yɔhana 2:11 - Nyaa Shɔɔ Ɓɔɔ Laa a Ɓɛɛ

¹¹ Zang ɓɔɔ kasɛ ruu ɓeezung kpàng, nwàng ɓi doo ka nɔng ɓɔɔ tɔ̀ɔ katɔ ɓɛɛ. Ra ɓi ka nɔng ɓɔɔ tɔ̀ɔ katɔ ɓɛɛ. Zi nɔng ɓɔɔ wu daa ɓi kpang, ka ruu ɓɔɔ, nɔng ɓɔɔ tɔ̀ɔ katɔ, tɔ̀ɔ wu jĩng katɔ ɓɛɛ.

1 Yɔhana 2:11 Σταυροειδείς Αναφορές

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 12:40

“Laa zuu ri jĩng katɔ, a ti zãa yeti ɓarɛ vuu zinang katɔ. Nɛɛ tɔɔ, jĩng ɓarɛ wu zi nɔng kaa takpang Yeti ɓarɛ ti zi vuu kpang. Ka ruu ɓɔɔ, ri nɛɛ gbãayu ka bii ɓiɓɛ, nɛɛ wu ta yuu ɓarɛ ɓɛɛ.”

2 Koranti 3:14

Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

2 Bituru 1:9

Zang ɓɔɔ nɛɛ pálɛ̀ rɛɛ vuu keɓe kpang, nwang naa zang jĩng ringtang ɓɔɔ zi vuu ɓɔɔ kpang ɓɛɛ. Danggn ning wu tɔ nɛɛ, Laa yàa wu gbalang vuu shi kpang ɓɔɔ ɓeleng wu palɛ ɓɛɛ tɔ.

1 Yɔhana 1:6

Naa ruu kɔɔyi nɛɛ, ruu nwàng nɛɛ wu ka nyaa zɔɔ tɔ̃ɔ tɔ̃ɔ, a ruu ti palɛ vuu ɓɔɔ daa bii kpang, ruu suu sèé, ruu pálɛ̀ vuu ɓɔɔ Laa kasɛ ɓɛɛ kpang.

1 Yɔhana 2:10

Zang ɓɔɔ kasɛ ruu ɓeezung katɔ, nwàng ɓi ka nɔng ɓɔɔ yakɛ katɔ ɓɛɛ. Vuu ɓɔɔ shing zang, zang palɛ vuu shi kpang, ɓi ka bii ɓiɓɛ kpang.

1 Yɔhana 2:9

Zang ɓɔɔ tɔɔ wu ka nɔng yakɛnang, a kasɛ ruu ɓeezung kpang, ɓi dòo ka nɔng ɓɔɔ tɔ̀ɔ katɔ ɓɛɛ.

1 Yɔhana 3:15

Zang ɓɔɔ kasɛ ruu ɓeezung kpang, wukɔ zang ɓɔɔ nyɔ zang vɔrɔ ɓɛɛ. Nɔɔ ti zi tɔ nɛɛ, suru bii ɓɔɔ waa nyaa kpang, ɓi kagn bii zang ɓɔɔ nyɔ zang vɔrɔ ɓɛɛ kpang.

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?

Vuu ɓɔɔ zang nwangsɛ Yɔhana 3:17

Wee nɔɔ kɔɔ tɔ nɛɛ nɔɔ manɛ wujɛ ying, nɛɛ vuu naa manɛ kagn, rang vuu ɓɔɔ kpaa nɔɔ kpang ɓee. A nɔɔ zi kpang vuu ɓi ka naa manɛ kpang, zang vuu gn kɔnang. Nɔɔ nwang naa zang ɓɔɔ vuu ka naa ɓarɛ kpang ɓɔɔ ri bii bɔ̃bɔ̃rɔ ɓɛɛ. Nɔɔ nwang naa zang ɓɔɔ jĩng zuu ri katɔ ɓɛɛ.