1 Yɔhana 1:6 - Nyaa Shɔɔ Ɓɔɔ Laa a Ɓɛɛ

⁶ Naa ruu kɔɔyi nɛɛ, ruu nwàng nɛɛ wu ka nyaa zɔɔ tɔ̃ɔ tɔ̃ɔ, a ruu ti palɛ vuu ɓɔɔ daa bii kpang, ruu suu sèé, ruu pálɛ̀ vuu ɓɔɔ Laa kasɛ ɓɛɛ kpang.

1 Yɔhana 1:6 Σταυροειδείς Αναφορές

Matiyu 7:22

Zang dɔɔli ri naa kɔɔ m ka diki ɓɔɔ, Laa naa jɛ̃ɛ zang ruu nɛɛ, ‘Kpanti, rùu kɔɔ zang Ruu Laa wu nɛɛ nung ɓaaɓɛ kɔ kpang ya? Ruu ti nwangsɛ suru shi kpang nɛɛ bii zang, a ɓɔɔ shonang bang ɓɔɔ ruu palɛ, zang mã naa ka danggn nɛɛ nung ɓaaɓɛ kɔ kpang ya?’

Yɔhana 11:10

Naa rakɛ nɛɛ nɔng zĩi, kpaa doo katɔ, ka ruu ɓɔɔ, vuu ɓɔɔ yakɛ wu nɔng kpang ɓɛɛ.”

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 8:55

Nɔɔ zi wu gngn kpang, n zi wu m tɔ. Naa n kɔɔyi nɛɛ n zi wu kpang, n nwáng kaa zang sèé naa nɔkɔ. N zi wu m tɔ, n ti ta nyaa ɓiɓɛ kpang.

1 Timoti 4:2

Ɓi zang sèé ɓɔɔ ri nwãarɛ zang, nɛɛ vuu palɛnang kɔ ri tusu zang zɔ̃ng vuu keɓe. Zang keɓe ri rɛ̃̀rɛ́ ɓarɛ ka vuu ɓɔɔ Sheetang kasɛ ɓɛɛ.

Yakubu 2:14

Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

Yakubu 2:16

A zang gbete ka teteng manɛ kɔɔ wu nɛɛ, “Laa wu yi mɔɔ naa kagn mɔɔ walɛ fɔ̃ɔrɔ nɛɛ vuu shaanang,” a nɔɔ a wu vuu ɓɔɔ wu kasɛ ɓɛɛ kpang, nɔɔ pálɛ̀ ɓu vuu tɔ̃ɔ ya?

Yakubu 2:18

Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

1 Yɔhana 1:10

Naa ruu laa nyaa nɛɛ, ruu pálɛ̀ vuu ɓɔɔ shi kpang ɓuru gngn kpang, ruu ɓaa kaa Laa kɔ sèé jong. Rúu ɓiɓɛ kagn yeti ɓuru kpang.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 1:8

Naa ruu kɔɔyi nɛɛ, vuu shi kpang ɓi kagn bii ɓuru kpang, ruu nwãarɛ yuu ɓuru. Rúu niizang kagn yeti ɓuru kpang.

1 Yɔhana 2:4

Shɔnzang ɓɔɔ kɔɔyi tɔɔ, “N zi wu tɔ,” a ti shing jĩng ka nyaa ɓɔɔ wu dang ɓɛɛ kpang, ɓi zang sèé. Ruu ɓɔɔ niizang ɓi kagn yeti ɓiɓɛ kpang.

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?