1 Yɔhana 1:3 - Nyaa Shɔɔ Ɓɔɔ Laa a Ɓɛɛ

³ Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 1:3 Σταυροειδείς Αναφορές

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 19:35

(Zang ɓɔɔ zi naa ɓɔɔ zang palɛ vuu keɓe, wukɔ kɔɔyi, tɔ̀ɔ, nɔɔ shing danggn kaa jong. Vuu kɔ wu kɔɔ ɓɛɛ, ɓi niizang, ti zi tɔ nɛɛ wu suu sèé kpang.)

Zang Shonang Yeesɔ 13:32

“Ruu atɛ nɔɔ ruu tɔ̃ɔ, ruu kɔɔ nɔɔ nɛɛ, nyaa ɓɔɔ Laa a rɛɛ dabang ɓuru,

Zang Shonang Yeesɔ 13:41

“ ‘Nɔɔ zirɛ, ɓɔɔ nɔɔ zang ɓɔɔ nɔɔ kpaa zang ɓɛɛ. Nɔɔ zi vuu ɓɔɔ zang zirɛ zang mã naa ka danggn ɓɛɛ, nɔɔ ti vɔlɔ. Ka ruu ɓɔɔ, vuu ɓɔɔ n palɛ ka diki manɛ keɓe, ɓi vuu ɓɔɔ naa zang ɓɔɔ kɔɔ nɔɔ doori nɔɔ shing danggn kagn kpang ɓɛɛ.’ ”

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 4:20

Ka ruu ɓɔɔ, ruu zunung naa ɓɔɔ ruu yaa vuu ɓɔɔ ruu zi nɛɛ jĩng ɓuru, a ruu ti tãa nɛɛ shoo ɓuru kɔɔnang kpang ɓɛɛ.”

Rooma 15:27

Rikɔ zɔ̃ng nɛɛ yeti ɓarɛ nɛɛ ri palɛ. Niizang, daa ɓɔɔ ri yi zang ɓɔɔ vuu ka naa ɓarɛ kpang naa katɔ ka bii. Zang ɓɔɔ ri zang Yahudi kpang, ri walɛ vuu tɔ̃ɔ ɓɔɔ Laa a zang Yahudi ka ruu suru ɓarɛ ɓɛɛ tɔ jong. Daa naa ɓɔɔ zang ɓɔɔ ri zang Yahudi kpang ri bàsɛ́ vuu naa ɓarɛ tɔ jong nɛɛ zang Yahudi.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 1:9

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

1 Koranti 15:1

Manzung, n kaaɓi n kpaa nɔɔ danggn Ruu Tɔ̃ɔ ɓɔɔ ɓeleng n kɔɔ nɔɔ ka tĩng ka yuu Yeesɔ Kirisi ɓɛɛ. Bɛɛ nɔɔ ta ruu bìí tɔ, a nɔɔ shii tɔ kagn nɛɛ kaka manɛ gbãng gbãng.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 2:1

Wee nɔɔ shing danggn tɔ ka bii Kirisi ɓee, danggn shinnang keɓe zàrɛ́ nɔɔ kana, nɛɛ nɔɔ kasɛ ruu zɔɔ ya? Kasɛnang ɓɔɔ wu kasɛ nɔɔ mã nɔɔ danggn katɔ ya? A nɔɔ ti nwang ka nyaa zɔɔ nɛɛ Suru Laa ya? Nɔɔ kasɛ katɔ ka yeti manɛ nɛɛ nɔɔ pálɛ̀ zɔɔ tɔ̃ɔ ya? A gn zɔɔ ti kɔng nɔɔ katɔ ya?

Filipi 3:10

N kasɛ m vuu gbete, wukɔ nɛɛ, n zi Kirisi nɛɛ yuu ɓiɓɛ, n ti zi naa vuu palɛnang ɓɔɔ nwangnɛ, ka ruu ɓɔɔ, Laa wisi wu paa nɛɛ saa. N kasɛ n ɓakɛ yuu jong nɛɛ wu, n dang jĩng, n nwang kaa jong naa wu ka vɔrɔ ɓɔɔ wu vɔ ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

1 Timoti 6:2

Ka teteng manɛ ɓɔɔ nɔɔ jaafoo ɓɛɛ, dabang gãa zang ɓɔɔ nɛɛ dũng Laa, nɔɔ risi ri naa vĩi, ka ruu ɓɔɔ, ri dũng doo Laa kɔ ɓɛɛ kpang. Nɔ̀ɔ pàlɛ̀ ri shonang gbãng gbãng kɔ jong. Ka ruu ɓɔɔ, dabang gãa manɛ ri ɓarɛ doo zang ɓɔɔ ri dũng doo Laa kɔ, a nɔɔ ti kasɛ ri manɛ katɔ ɓɛɛ. Tusu zang vuu keɓe, mɔɔ ti kɔɔ ri nɛɛ ri palɛ nɔngkɔ.

Yahudi 2:12

Kɔɔ Laa tɔɔ, “N kɔɔ rɛɛ manzung ruu bannang ɓaaɓɛ. N gáa soo, n dɔ̀ɔ mɔ̀ɔ ka tĩng zang dɔɔli ɓɔɔ ri kpalɛ zɔɔ, ri bang mɔɔ ɓɛɛ.”

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

2 Bituru 1:16

Rùu kɔɔ nɔɔ ruu, naa ɓɔɔ Kpanti ɓuru Yeesɔ Kirisi naa a nɛɛ naa vuu palɛnang ɓiɓɛ ɓɛɛ tɔ. Vuu ɓɔɔ ruu kɔɔrɔ keɓe wu ruu gbãagbãa ɓɔɔ shɔnzang nwangsɛ nɛɛ zũnang ɓiɓɛ kpang. Ruu zi bannang ɓiɓɛ nɛɛ jĩng ɓuru.

1 Yɔhana 1:1

Ruu bèé nɔɔ ruu ka yuu zang ɓɔɔ a zang suru bii ɓɛɛ. Ɓɔɔ nwang ka tĩng tɛ̃ɛ tɛ̃ɛ bɛ̀ɛ́ Laa gaayu koo mãanang gn kpang ɓɛɛ. Ruu tãa ruu ɓiɓɛ, a ruu ti zi wu nɛɛ jĩng ɓuru. Ruu pɛ̃ɛrɛ wu, a ruu ti lee wu nɛɛ naa ɓuru.

1 Yɔhana 1:5

Yee ɓɔɔ ruu tãa ka nyaa ɓiɓɛ, ruu kɔɔ nɔɔ wukɔ. Laa kɔ nɔng yakɛnang, Ruu ɓiɓɛ hãa ɓi kagn nɛɛ vuu shi kpang, kpang.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.