1 Yɔhana 1:2 - Nyaa Shɔɔ Ɓɔɔ Laa a Ɓɛɛ

² Ɓɔɔ Laa naa nwangsɛ wu yuu, ruu zi wu, a ruu ti kɔɔ nɔɔ vuu ɓɔɔ ruu zi nɛɛ jĩng ɓuru. Ruu kɔɔ nɔɔ ruu zang ɓɔɔ nwáng nɛɛ Daa ka tĩng, a Daa naa nwàngsɛ̀ ruu wu kati.

1 Yɔhana 1:2 Σταυροειδείς Αναφορές

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 1:4

Suru bii ɓɔɔ waa nyaa kpang ɓi ka bii Ruu keɓe kɔ. Suru bii keɓe wukɔ yakɛ shɔnzang nɔng.

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 15:27

Nɔɔ dòo zang ɓɔɔ ri kɔ̀ɔ́ zang ruu ka yuu mɛɛ kɔ, ka ruu ɓɔɔ, nɔɔ doo nɛɛ n, ka diki ɓɔɔ n gaayu shonang mɛɛ palɛnang ɓɛɛ.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 19:35

(Zang ɓɔɔ zi naa ɓɔɔ zang palɛ vuu keɓe, wukɔ kɔɔyi, tɔ̀ɔ, nɔɔ shing danggn kaa jong. Vuu kɔ wu kɔɔ ɓɛɛ, ɓi niizang, ti zi tɔ nɛɛ wu suu sèé kpang.)

Yɔhana 21:14

Ɓu doo ɓɔɔ Yeesɔ yupaa nɛɛ sàa, nwang nyaa tɔ ka bii zang ɓɔɔ ri mantɛ vuu ka bii ɓiɓɛ, daa kaa nɛɛ weɓe doo taati.

Yɔhana 3:13

Zang ɓɔɔ vang gngn daa ka lapa kpang, ɓi nkɔ Jaa Shɔnzang ɓɔɔ n shooro nɛɛ lapa kɔ shɛ̃ɛning.”

Yɔhana 7:29

N zi wu m tɔ, ka ruu ɓɔɔ, n à nɛɛ bii ɓiɓɛ kɔ. Wukɔ ti shong m ɓɛɛ.”

Yɔhana 8:38

N kɔɔ nɔɔ m vuu ɓɔɔ n zi ka nɔng Daa mɛɛ ɓɛɛ. A nɔɔ palɛ manɛ vuu ɓɔɔ nɔɔ tãa ka nyaa daa manɛ ɓɛɛ.”

Zang Shonang Yeesɔ 1:22

Gaayu nɛɛ diki ɓɔɔ Yɔhana pàlɛ̀ zang batizima kagn, a nɛɛ mani ka diki ɓɔɔ zang tuu Yeesɔ nɛɛ teteng ɓuru zang daa nɛɛ wu ka lapa ɓɛɛ. Wu ti nwang zang gbete ka teteng ɓuru ɓɔɔ naa kɔɔ zang naa ɓɔɔ Laa wisi Yeesɔ paa nɛɛ saa ɓɛɛ.”

Zang Shonang Yeesɔ 10:41

Wu zang piti ri zi wu kpang, ɓi rukɔ ɓɔɔ Laa shɛ̃ɛrɛ ruu katɔ kɔ zi wu shɛ̃ɛning. Rùu shaa vuu shaanang, a ruu ɓoo vuu nɛɛ wu ka knti ɓɔɔ wu seepaa tɔ nɛɛ saa ɓɛɛ.

Zang Shonang Yeesɔ 2:32

Laa wisi Yeesɔ keɓe paa tɔ nɛɛ sàa, ruu nandon ruu zi katɔ nɛɛ jĩng ɓuru.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Zang Shonang Yeesɔ 5:32

Ruu zi vuu keɓe tɔ, nɛɛ jĩng ɓuru, ruu ti kɔɔrɔ zang. Rùu nɛɛ Suru Laa ɓɔɔ Laa a zang ɓɔɔ ri ɓaa shoo ka nyaa ɓiɓɛ ɓɛɛ.”

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Yɔhana 1:1

Ruu bèé nɔɔ ruu ka yuu zang ɓɔɔ a zang suru bii ɓɛɛ. Ɓɔɔ nwang ka tĩng tɛ̃ɛ tɛ̃ɛ bɛ̀ɛ́ Laa gaayu koo mãanang gn kpang ɓɛɛ. Ruu tãa ruu ɓiɓɛ, a ruu ti zi wu nɛɛ jĩng ɓuru. Ruu pɛ̃ɛrɛ wu, a ruu ti lee wu nɛɛ naa ɓuru.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

1 Yɔhana 3:5

Nɔɔ zi tɔ nɛɛ, Yeesɔ arɛ nɛɛ wu naa kɔ̃̀sɔ́ zang vuu shi kpang. Vuu shi kpang ɓi kagn bii ɓiɓɛ kpang.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

1 Yɔhana 4:2

Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.

1 Yɔhana 5:11

Vuu ɓɔɔ Laa kɔɔ keɓe kɔ. Laa a ruu suru bii ɓɔɔ waa nyaa kpang tɔ. Suru bii ɓɔɔ waa nyaa kpang keɓe, ruu wálɛ̀ ka bii Jaa ɓiɓɛ.

1 Yɔhana 5:13

Zang ɓɔɔ ri shing danggn tɔ ka Jaa Laa ɓɛɛ, n bée nɔɔ vuu keɓe, tɔ̀ɔ, nɔ́ɔ zi kati, nɛɛ nɔɔ walɛ suru bii ɓɔɔ waa nyaa kpang manɛ tɔ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.