Yaya 5:39 - Ala la kitabuenu Mɔgɔfin kuma tɔ

³⁹ Wo be Ala la sɛbɛrenu tefila ka a fɛlɛ a ɲinma la, bayi a be wo juse tɔ, ko abada kise be sɔtɔla wo sɛbɛre le tɔ. Awa, wo sɛbɛrenu tugun de mu n seede la.

Yaya 5:39 Σταυροειδείς Αναφορές

Luki 16:29

Iburahima ka nafulu tige jaabi, a ko: ‹Taureta Musa anun nabiyonmɛ doenu la kitabuenu be anu bolo. Anu ka anu tolomasɔ wonu la, anu ni a bita.›

Luki 16:31

Kɔnɔ Iburahima ka a fɔ a ye: ‹Ka anu ma annabi Musa nun nabiyonmɛ doenu kulɛ mɔɛ anu ni a bita, hali do wulita ka bɔɔ fagabaganu tɛma, anu te laa wo la kuma la.› »

Luki 24:25

Isa ka anu jaabi, a ko: «Wole hakkili bɛlɛ! Nabiyonmɛnu ka minnu bɛ fɔ, han bi wo ma laa wonu la wo juse tɔ!

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Yaya 1:45

Filipu tagata mɔgɛ do taran min tɔgɔ Natanayeli, a ka a fɔ a ye: «Musa ka min na ko fɔ Taureta tɔ, a nun nabiyonmɛnu tugun ka min na ko fɔ, mɔ bata a yen: Isa Nasarɛti kaa le mu, Yusufu la deŋɛ.»

Yaya 5:32

Do gbɛtɛ le be seedeɲɔgɔya bɔɔla n na ko tɔ, min mu Ala la. N ka a lɔn, ale la seedeɲɔgɔya mu tɔɲa le la.

Yaya 5:36

Kɔnɔ seede do gbɛtɛ be n bolo, min tanbita Yaya tɛŋɛ la: n be wale minnu mala, wonu yɛtɛ mu n ɲɛ seede le la, ka a fɔla n Baaba le be n kiiren. N Baaba bata wo walenu don n bolo, anu dalafa koe la.

Yaya 5:40

Kɔnɔ hali wolo mu, wo bele sɔnden nala n ma, alako wo ni kisi.

Yaya 5:46

Ka wo laata Musa la nun, wo si laa nde tugun na, bayi a ka n na ko sɛbɛ le.

Yaya 7:52

Anu ka a jaabi, anu ko: «Bɔ, ile tugun be bɔɔren Galile le ba? Awa kitabue butɔ fɛlɛ koola, i si a lɔn ka a fɔla nabiyonmɛ yo te bɔɔ Galile duge tɔ.»

Kiilanu 13:27

Darisalamu kaanu anun anu la kuntigenu ma a fahamu Isa mu min na. Nabiyonmɛnu la kumanu minnu be karanna sulen lɔ́gɛ́ bɛ tɔ, anu ma wonu tugun fahamu. Kɔnɔ anu ka wo kumanu lakamali Isa faga koe le la.

Kiilanu 17:11

Bereya Yahudenu juse fisa kuma bitala Tesaloniki Yahudenu ko: anu be kɛɲɛla le Ala la kuma lamɔɛ koe la, lun go lun anu be Ala la sɛbɛre masoela, alako anu ni a lɔn, min be fɔla anu ye, ka a be ɲɔgɔnna yati le.

Kiilanu 26:27

Mansa Agiripa, i bele laaren nabiyonmɛnu la kumanu la ba? N be a lɔnden, ka a fɔla i be laaren anu la.»