Yaya 10:31 - Ala la kitabuenu Mɔgɔfin kuma tɔ

³¹ Wo kuma le ka a ma, Yahudenu mɛn ka kurenu matɔnbɔn tugun, alako anu ni a mabun ka a faga.

Yaya 10:31 Σταυροειδείς Αναφορές

Hɔrɔya 17:4

Wolo ka a ma, Musa ka a da ladi Alatala ma, a ko: «N si nɔ fen de mala kɛ jama ye? Donden anu ma n mabun.»

Yaya 1:19

Lun do, Yahude kuntigenu ka sarika lakela donu kii anun Lewi bɔnsɛ kaye donu bɔɔla Darisalamu, anu ni Yaya maɲininka, ale mu min na. A ka seedeɲɔgɔya min bɔɔ wo tɔ, wolo mu kɛ la.

Yaya 10:24

Yahude donu ka a lamilin ɲɔ, anu ka a fɔ a ye: «I be mɔ tola sikkɛ tɔ han tɛmu miniman? Ka Ala la mɔgɔ masubɛreŋɛ le mu i la, a beeyareŋɛ fɔ mɔ ye ba.»

Yaya 10:32

Isa mɛn ka kuma tajigan, a ko anu ma: «N ka wali ɲinma siyama ma wo ɲala, minnu be fatanden n Baaba la. Wo be diren n mabunna wo wali miniman de yati la ko la?»

Yaya 11:8

A la talibenu ka a fɔ a ye: «Karamɔgɔ, a bele mɛren Yahude kuntigenu be diren i mabunna, ka i faga, i nɔn be diren saagila ɲɔ le ba?»

Yaya 5:18

Wolo ka a ma, Yahudenu tota a faga fɛrɛ ɲinila, ka tanbi fɔlɔnɛŋɛ la, bayi a ma sulen lɔ́gɛ́ tana le tun ma, fɔ a mɛn ka a fɔ le aa ale Baaba le mu Ala la, wo butɔ a bata a yɛtɛ nun Ala lakanya.

Yaya 8:59

Wo butɔ, Yahudenu ka kurenu jigan a digii ma, anu ni a mabun. Kɔnɔ Isa dogonta, a bɔɔta Ala batu boŋɛ tɔ.

Kiilanu 7:52

Wo benbanu kitita nabiyonmɛ bɛ ɲagankata koe la! Iyon, minnu ka Telenbaga na koe lake nun, anu ka wonu faga, kɔtɛ wole tugun bata ale Telenbaga janfa, wo ka a faga.

1 Samiyɛli 30:6

Dauda lakɛtɛnta koola, bayi jama be a fɔla wo wagate, aa anu ni a mabun kurenu la, bɛ juse bata maɲaku a ma anu la den kayireŋɛnu nun den musereŋɛnu la ko la. Kɔnɔ Dauda ka limaniya jigan, a ka a hakkile sɔ Alatala ma, a la Ala.