Yaya 1:49 - Ala la kitabuenu Mɔgɔfin kuma tɔ

⁴⁹ Wo butɔ, Natanayeli ka a fɔ a ye, a ko: «Karamɔgɔ, ile mu Ala la den kayireŋɛ le la, i mu bani Isirayila mansa le la.»

Yaya 1:49 Σταυροειδείς Αναφορές

Luki 1:35

Maleka ka a jaabi, a ko: «Ala Hakkili saniyandeŋɛ si naa jigi i ma. Ala min mayɛlɛta, a sɛnbɛ si butin i kunma iko niiniŋɛ. Wolo mu i be den saniyandeŋɛ min sɔtɔla, a si fɔ wo ma ‹Ala la den kayireŋɛ›.

Luki 19:38

anu tota a fɔla: «Barikɛ be kɛ mansa ye, min be naren Marige Ala tɔgɛ la! Hɛra be saŋɛ tɔ! Nɔɔra be Ala ye kantɔ!»

Yaya 1:18

Han bi mɔgɔ yo ma Ala yen; a la den kayiren dɔndɛ, min be sigiren a Baaba kɛnna, anu tɛ di, wolo bata a la ko ɲatabɔ mɔ ye.

Yaya 1:34

N bata a yen yati, n bata ma a seede la, ka a fɔla ale le mu Ala la den kayireŋɛ la.»

Yaya 1:38

Isa tugun ka a kɔma tafɛlɛ, a ka a yen anu be a jokkiren, a ka a fɔ anu ye: «Wo be fen ɲinila?» Anu ka a fɔ Isa ye: «Rabi, i be sabatiren mina?» Awa, Rabi be a fɔren de «Karamɔgɔ» anu la kuma tɔ.

Yaya 1:50

Isa ka a jaabi, a ko a ma: «N to bata a fɔ i ye, n ka i yen de toori lɔgɛ kɔtɔ, i bata laa n na. Kɔnɔ i si naa ko donu yen, minnu kolo kɛ ko.»

Yaya 18:37

Pilati ka a fɔ a ye: «Yaga, mansa le mu i la?» Isa ka a jaabi, a ko: «Ile yati bata a fɔ, ka a fɔla mansa le mu n na. N nata dunuya, alako le n ni ma tɔɲa seede la, iyon, n sɔtɔta wolo la. Min bɛ be tɔɲa fɛ, wonu si anu tolomasɔ le n na kuma la, ka a bita.»

Yaya 4:31

Wo ka a taran, wo wagate butɔ Isa la talibenu be a madiyala, anu ko: «Karamɔgɔ, dɔmɔre ma!»