Yaguba 5:5 - Ala la kitabuenu Mɔgɔfin kuma tɔ

⁵ Wo la dunuya takunte butɔ, wo be wo diyanankoenu tun de tɔ. Wo be wo yɛtɛ le tun nafala iko kolofen kɛndeŋɛnu min kannatɛgɛ luŋɛ bata ke.

Yaguba 5:5 Σταυροειδείς Αναφορές

Luki 16:19

Wo kɔma Isa ka taale sa mɔgɛnu ye, a ko: «Nafulu tige do le tota ɲɔ. Tɛmuɛ bɛ, doroki banba ɲinma sɔn bɛlɛŋɛ be lajigiren a ma. Lun go lun a be murade sɔla ka a diyanankoe ma.

Luki 16:25

Iburahima ka a jaabi, a ko: ‹N na deŋɛ, i mira koola. I la dunuya takunte sɔnɔyata le i bolo a ɲinma la, wo ka a taran Lasari kan be tɔɔrɔren koola. Kɔnɔ bi, a juse be kimaren yan, ile kan be ɲagankata tɔ.

1 Samiyɛli 25:36

Abigayili saagita Nabali dula, a ka a taran, a be murade saren a la boŋɛ butɔ iko mansa. A juse be diyaren a ye, a be siisiren koola. Abigayili ma nɔ fenfen fɔla a ye wo wagate, fɔ ɲɔ lakɛnɛ fɛ saguma.

1 Samiyɛli 25:6

‹Ala mu yaari yitala mɔ la hɛra tɔ, hɛra ni to ile ye, hɛra ni to i la denbaya ye, hɛra ni to i la koe bɛ tɔ.