Yaguba 4:5 - Ala la kitabuenu Mɔgɔfin kuma tɔ

⁵ Kaa, a bɛnta kɛ mira ni to wo ye ba, ka a fɔla min be sɛbɛren kitabue tɔ, Ala be wo fɔren fufafu le la? A ko, a bata hakkile min dii wo mɔ ma, a sɔgɔ be a la yati, wo hakkile ni sɔ a dɔrɔn de kɔma.

Yaguba 4:5 Σταυροειδείς Αναφορές

Ko fɔlɔfɔlɛ 26:14

Kolofen lanma nun a banba mɔɔle bɛ be a bolo, joŋɛnu tugun siyama be a bolo. Wo butɔ, Filisiti kaanu ka a bɛsɛnkɔnnɛya.

Ko fɔlɔfɔlɛ 30:1

Rakeli to bata a yen a bele den sɔtɔla Yaguba ye, a ka a kɔtɔ Leya bɛsɛnkɔnnɛya. Rakeli ka a fɔ Yaguba ye, a ko: «N kɔ den kayireŋɛnu la, ka wo ma n si faga le.»

Ko fɔlɔfɔlɛ 37:11

A kɔtɔnu ka a bɛsɛnkɔnnɛya, kɔnɔ a baaba kan be a hakkile toren a la kiboenu ma.

Ko fɔlɔfɔlɛ 38:9

Kɔnɔ Onan ka a lɔn wo deŋɛ te naa ma a tɛŋɛ la. Wolo ka a ma a nun a nimɔgɛ tini kafu, a ni a la manije sa duge tɔ, alako a kana naala deŋɛ sɔtɔla a kɔtɔ ye.

Ko fɔlɔfɔlɛ 6:5

Alatala ka a yen, adamadeŋɛ la ko koron ma bata koloya duge kunma. A ka a yen, tɛmuɛ bɛ fenfen bele adamadeŋɛ juse tɔ, fɔ mira koroŋɛ.

Ko fɔlɔfɔlɛ 8:21

Wo sarika kuɲɛ diyata Alatala ye. A ka a hanige, a ko: «N te duge barikɛ bɔɔ bitugun adamadeŋɛ la ko la. Tɔɲa le, n ka a lɔn ka bɔɔ anu denden tɛmuɛ, anu la mira be tabɛnden ko koron ma le ma. Kɔnɔ n te sɔn nilamanu bɛ halagila bitugun iko n bɔɔren a mala ki min na.

Yaya 10:35

Wo mɔ ka a lɔn Ala la sɛbɛre te tiɲa. Wo butɔ, Ala la kuma keta minnu ma, a ka a fɔ wonu ma ‹a la deŋɛnu›.

Yaya 19:37

Ala la sɛbɛre do gbɛtɛ tugun ko: «Anu ka min bu sɔngɔ sɔgɔ, anu si wo lasaga le.»

Yaya 7:42

Kaa, a bele fɔren de Ala la sɛbɛre tɔ, Ala la mɔgɔ masubɛreŋɛ be bɔɔla Dauda bɔnsɛ le tɔ, Betilɛmu saa tɔ, Dauda sɔtɔta ka min na?»

Kiilanu 7:9

Wo kɔma, wo mɔ benbanu ka anu dɔgɛ Yusufu mayita bɛsɛnkɔnnɛya sabu la, a ni ma joŋɛ la Misira duge tɔ. Kɔnɔ Ala tota a fɛ.