Luki 19:47 - Ala la kitabuenu Mɔgɔfin kuma tɔ

⁴⁷ Wo kɔma, Isa tota mɔgɛnu kawandila lun go lun Ala batu bon banba tɔ. Kɔnɔ sarika lakela kuntigenu, anun sariya karamɔgɛnu, anun saa kuntigenu be a faga ɲa ɲinila.

Luki 19:47 Σταυροειδείς Αναφορές

Luki 19:48

Kɔnɔ anu si nɔ a bitala ki min na, anu bele wo kɛɲa yenden, bayi jama bɛ be kitiren a tolomasɔ koe la Isa da kulɛ la.

Luki 20:19

Sariya karamɔgɛnu anun sarika lakela kuntigenu ka a lɔn ka a fɔla Isa be wo taale saren ande le ye. Wo butɔ, anu ka Isa bita fɛrɛ ɲini fɔlɔ kisanna, kɔnɔ anu be kilanden jama la.

Yaya 10:39

Wo kuma le ka a ma, Yahudenu mɛn tota Isa bita fɛrɛ ɲinila tugun, kɔnɔ a kisita anu bolo.

Yaya 18:20

Isa ka a jaabi, a ko: «Nde bata kuma fɔ a beeyareŋɛ la jama bɛ ye. N be kɛnɛ mɔgɛnu karanna kawandi ma boŋɛnu butɔ, anun Ala batu boŋɛ le tɔ, Yahudenu bɛ be madɛnna ka min na; n ma fenfen fɔ dogoŋɛ tɔ.

Yaya 7:19

Musa ma Ala la sariya don de wo bolo ba? Adun, hali wo dɔndɔ bele wo sariya latagamanna. Wo be katala n faga koe la fenna?»

Yaya 7:44

A sɔgɔ tota donu la anu ni a bita, kɔnɔ mɔgɔ yo ma a bole sa a ma.