Luki 16:20 - Ala la kitabuenu Mɔgɔfin kuma tɔ

²⁰ Fugare do tugun be ɲɔ, min tɔgɔ Lasari. Tɛlɛ fogireŋɛ be a bale dula bɛ ma. A be labolokaren nafulu tige la bonda tɔ.

Luki 16:20 Σταυροειδείς Αναφορές

Luki 16:19

Wo kɔma Isa ka taale sa mɔgɛnu ye, a ko: «Nafulu tige do le tota ɲɔ. Tɛmuɛ bɛ, doroki banba ɲinma sɔn bɛlɛŋɛ be lajigiren a ma. Lun go lun a be murade sɔla ka a diyanankoe ma.

Luki 16:21

Dɔmɔ tɔɛnu minnu be boela ka bɔɔ nafulu tige la teebile kunma, a sɔgɔ si a bita a ni balu wondelen na. Wulenu ɲan tota nala anu ni a la tɛlɛ fogireŋɛnu manɛwu.

Yaya 11:1

Kaye do le be ɲɔ nun, a be bandiren, a tɔgɔ Lasari. A nun a barenmusenu Mariyama nun Marata be sabatiren Betani saa tɔ le.

Kiilanu 3:2

Wo ka a taran, kaye do be ɲɔ, mɔgɛnu be kɛnɛ min natila ɲɔ min mu namata la bɔɔla a sɔtɔ tɛmuɛ. Anu be a jiganna lun go lun, ka taga a sigi Ala batu bon banba bonda dala, min tɔgɔ Bonda Majabureŋɛ, alako minnu be donna Ala batu bon banba tɔ, a ni wonu táran nɛgɛ la.

Yaguba 1:9

Fugari dɛnkɛnɛyabaga ni sɛɛwa, ka a fɔla Ala bata a la ko mayɛlɛ.

Yaguba 2:5

N nɛɛnɛdɔndɛ kanunteŋɛnu, wo wo tolomasɔ n na. Ala bata mɔgɛnu masubɛ minnu be maren fondobɔnɛnu la dunuya kɛɲa ma, alako anu ni ma banna mɔgɛnu la dɛnkɛnɛya kɛɲa ma. Ala bata anu masubɛ alako anu ni barikɛ sɔtɔ a la mansabaya butɔ. Wolo be lahiriren mɔgɛnu ye minnu be Ala kanuren.

1 Samiyɛli 2:8

A ni fondobɔnɛ jigan buguta tɔ, a ni a la ko mayɛlɛ. A ni misikinɛ jigan ɲagama tɔ, a ni a sigi kuntigenu tɛma, a ni na mansaya kunnawule dii a ma kɛɛ la. Bayi Alatala le tɛŋɛ mu dunuya tunkenu bɛ la, a be duge lafontiren wonu kunma.