Kiilanu 17:2 - Ala la kitabuenu Mɔgɔfin kuma tɔ

² Pɔlu donta anu kunma, iko a darita a mala ki min na, a ka Ala la sɛbɛre ɲatabɔ anu ye sulen lɔ́gɛ́ saba lɔgɔkun saba kɔtɔ.

Kiilanu 17:2 Σταυροειδείς Αναφορές

Luki 4:16

Wo butɔ, Isa tagata ke Nasarɛti saa tɔ, a koloyata ka min na. Sulen lɔ́gɛ́, a donta kawandi ma boŋɛ tɔ, iko a darita a mala ki min na. A wulita kitabu karan koe la.

Yaya 18:20

Isa ka a jaabi, a ko: «Nde bata kuma fɔ a beeyareŋɛ la jama bɛ ye. N be kɛnɛ mɔgɛnu karanna kawandi ma boŋɛnu butɔ, anun Ala batu boŋɛ le tɔ, Yahudenu bɛ be madɛnna ka min na; n ma fenfen fɔ dogoŋɛ tɔ.

Kiilanu 13:14

Ande tugun bɔɔta Perege, anu tanbita, anu keta Pisidi jamanɛ saa min tɔgɔ Antiyoki. Sulen lɔ́gɛ́, anu donta kawandi ma boŋɛ tɔ, anu sigita ɲɔ.

Kiilanu 13:5

Anu la kereŋɛ Salamin saa tɔ, anu tota Ala la kuma lakela Yahudenu la kawandi ma boŋɛnu tɔ. Yaya Maraki tugun mu anu dɛmanna la.

Kiilanu 14:1

Ikoni saa tɔ tugun, Pɔlu nun Baranabasi ka a ma ɲɔgɔnna le: anu donta Yahudenu la kawandi ma boŋɛ butɔ. Anu kumata a ɲinma la, han Yahudenu nun sii gbɛtɛ jama banba dɛnkɛnɛyata.

Kiilanu 17:10

Wo sue tɔ kisanna, nɛɛnɛdɔndɛ diinaɲɔgɛnu ka Pɔlu nun Silasi lataga Bereya saa tɔ. Anu la kereŋɛ ɲɔ, anu donta Yahudenu la kawandi ma boŋɛ tɔ.

Kiilanu 17:17

Wo butɔ, a tota tagala kawandi ma boŋɛ tɔ, a nun Yahudenu nun Ala ɲalakilan mɔgɛnu be kuma masabaala ɲɔgɔn tɛma ɲɔ; a mɛn be tagala makite tɔ lun go lun, a be minnu taranna ɲɔ, a nun wonu tugun be kumala.

Kiilanu 18:4

Sulen lɔ́gɛ́ bɛ, Pɔlu be kumala Yahudenu la kawandi ma boŋɛ butɔ, a be katala a ni Yahudenu lalaa anun minnu ma ma Yahudenu la.

Kiilanu 19:8

Wo tanbi kɔma, kari saba kɔtɔ, Pɔlu ni kɛnɛ donna Yahudenu kawandi ma boŋɛ butɔ, a be kumala limaniya la. Wo butɔ, a tota Ala la mansabaya la ko ɲatabɔla anu ye, a be katala a ni mɔgɛnu manɔ minnu be anu tolomasɔren a la.

Kiilanu 24:25

Kɔnɔ Pɔlu to be kumala teleŋɛ la ko tɔ, anun fan tabita nun aligiyama kiite min be nala, kilaŋɛ ka Felikisi bita, a ka a jaabi, a ko: «Taga betunna, n tini fɛrɛ sɔtɔ wagate min tɔ, n si i kele.»

Kiilanu 28:23

Awa, anu ka lun dɔndɔ lakoti Pɔlu ye. Wo luŋɛ to keta, anu siyama tagata a ma a yigiya tɔ. A tota seedeɲɔgɔya bɔɔla kabɔɔ saguma han wura la, a be Ala la mansabaya la ko ɲatabɔla anu ye. Wo butɔ, a be katala a ni anu lalaa ka a fɔla Isa yati le mu Ala la mɔgɔ masubɛreŋɛ la, Taureta Musa nun nabiyonmɛnu la kitabuenu sabu la.

Kiilanu 8:35

Awa, Filipu ka kuma da bita, a ka a fɔlɔ kɛ sɛbɛre dula ma, a ka Isa la ko kibaru ɲinma lake a ma.

Kiilanu 9:20

A bakkuta kibaru ɲinma lakela kawandi ma boŋɛnu tɔ kisanna, a be a fɔla Isa mu Ala la den kayireŋɛ le la.

1 Samiyɛli 12:7

Awa kɔtɛ, wo na sɔ yanna ba, n ni wo lakiiti Alatala ɲakɔtɔ, n ni wo talɔn betunna ko ɲinmanu la, a be minnu bɛ maren wole nun wo benbanu ye.