Kiilanu 15:32 - Ala la kitabuenu Mɔgɔfin kuma tɔ

³² Juda nun Silasi minnu yɛtɛ yati mu nabiyonmɛnu la, anu ka nɛɛnɛdɔndɛnu waajɛ kuma siyama la, anu ka anu lalimaniya.

Kiilanu 15:32 Σταυροειδείς Αναφορές

Luki 11:49

Wolo mu, Ala ka a fɔ a la hakkilimaya kuma tɔ, a ko: ‹N si nabiyonmɛnu anun kiilanu lasanba anu ma, anu si donu faga, anu ni donu jokki anu ɲagankata koe la.›

Kiilanu 11:23

A la kereŋɛ ɲɔ, a ka Ala la hanigi ɲinma wale yen, a sɛɛwata. A be anu bɛ waajɛla, anu ni a natá anu ni to Marige kɔma anu juse bɛ la.

Kiilanu 11:27

Awa, wo tɛmuɛ le, nabiyonmɛ donu bɔɔta Darisalamu anu tagata Antiyoki.

Kiilanu 13:1

Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu.

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

Kiilanu 15:1

Lun do, kaye donu bɔɔta le Juda jamanɛ tɔ, anu jigita Antiyoki, anu fɔlɔta ɲɔ nɛɛnɛdɔndɛ diinaɲɔgɛnu karanna, anu ko: «Ka wo ma sunna, iko Musa la sariya be ki min na, wo te nɔ kisila.»

Kiilanu 15:22

Wo butɔ, kiilanu nun kuntigenu anun dɛnkɛnɛyabaga jama bɛ bɛnta a ma, anu ni kaye donu masubɛ anu tɔ, ka wonu lasanba Antiyoki saa tɔ Pɔlu nun Baranabasi masɔdula. Silasi anun Juda min tɔgɛ be fɔla Barasabasi, anu ka wonu masubɛ, bayi anu mu ɲatonkanu le la nɛɛnɛdɔndɛnu tɛma.

Kiilanu 15:27

Wolo mu, mɔ bata Juda nun Silasi lasanba, wonu tugun yɛtɛ ni wo kiila dɔndɛ lake wo ma, da nun da.

Kiilanu 15:3

Awa, dɛnkɛnɛyabaga jama ka anu fanda. Anu be Fenisi nun Samari duge takuntula wagate min tɔ, anu tota a yitala ɲɔ kaanu la, sii gbɛtɛ mɔgɛnu ka anu yɛtɛ lasaagi Ala ma ki min na minnu ma ma Yahudenu la. Wo mata sɛɛwa banba la nɛɛnɛdɔndɛnu bɛ ye.

Kiilanu 15:31

Wonu to ka a karan, wo malase ka anu sɛɛwa a ɲinma la.

Kiilanu 15:41

anu ka Siri nun Silisi duge tatagaman, a ka dɛnkɛnɛyabaga kuruŋɛnu lalimaniya.

Kiilanu 18:23

A ka wagati do ma ɲɔ, a mɛn ka kila tabita, a be Galati nun Firigi dugenu takuntula saa nun saa, a tota talibenu lalimaniyala.

Kiilanu 2:40

Piyɛri mɛn ka anu lasii sɔɔbɛ la, a ka anu kawandi kuma siyama la, a ko: «Wo ni bɔɔ bi mɔgɔ telenbalenu kɔma, alako wo ni kisi.»

Kiilanu 20:2

A to be wo jamanɛ tagamanna, a ka ɲɔ talibenu lasii ko siyama la, wo kɔma a tagata han a keta Girɛki duge tɔ.

1 Tesaloniki 2:11

Wo ka a lɔn yati ka a fɔla mɔ be wo bɛ ye, iko baaba nun a la deŋɛnu be ki min na. Mɔ tota wo lalimaniyala, ka wo mamɔɔmɔ,

1 Tesaloniki 3:2

mɔ ni wo mɔ nɛɛnɛdɔndɛ Timote kii wo ma. ⸂Ala la walila do le mu a la,⸃ mɔ nun ale le be walila Ala la mɔgɔ masubɛreŋɛ la kibaru ɲinma lake koe tɔ. Mɔ ka a kii le nun, alako a ni wo sɛnbɛ sa, a ni wo lalimaniya wo la dɛnkɛnɛya butɔ,

1 Tesaloniki 4:1

Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun.

1 Tesaloniki 5:14

N nɛɛnɛdɔndɛnu, mɔ mɛn bata wo madiya, wo ni fuyantenu lasii, wo ni limaniya balenu lalimaniya, wo ni sɛnbɛbɔnɛnu dɛman, wo ni a lamuɲu bɛ ye.

1 Tesaloniki 5:20

Ka a taranta Ala be kuma do lajigila mɔgɔ do ma wo ɲaama a ni a fɔ, wo kana wo tolo bɛlɛya wo ma.

2 Tesaloniki 3:12

Minnu be wo mala, mɔ be wonu yamɔrila ka anu lasii Ala la mɔgɔ masubɛreŋɛ wo mɔ Marige Isa tɔgɛ la, mɔ ko anu ni wale ma sabare la, anu ni anu yɛtɛ bolofeŋɛ dɔmɔ.

1 Piyɛri 5:1

Dɛnkɛnɛyabaga kuntigenu minnu be wo tɛma, n bata wo lalimaniya. Kuntige le mu nde tugun na iko wole. N be Ala la mɔgɔ masubɛreŋɛ la tɔɔrɛ la seedeɲɔgɔya bɔɔla. A la nɔɔra be nala yitala lun min na, nde tugun si biliya sɔtɔ le wo butɔ.

1 Piyɛri 5:10

Ka wo banta tɔɔrɔla wagatinden, Ala hinnɛnte si naa wo la ko tabɛn, a ni wo lalimaniya, a ni sɛnbɛ dii wo ma, a ni wo lasabati. Ale le be wo keleren wo ni to a la nɔɔra kɔtɔ abada a la mɔgɔ masubɛreŋɛ Isa kɔma.

1 Piyɛri 5:12

Silasi, min be toren n ɲɛ iko n nɛɛnɛdɔndɛ min bata timiladiya, wolo ka n dɛman kɛ bataakɛndeŋɛ sɛbɛ koe la wo ma. N ni wo lalimaniya kɛ bataakɛ la, n ni seedeɲɔgɔya bɔɔ ka a fɔla wo be Ala la hinnɛ yati le kɔtɔ.