1 Piyɛri 1:3 - Ala la kitabuenu Mɔgɔfin kuma tɔ

³ Tantue be Ala ye, wo mɔ Marige Isa Ala la mɔgɔ masubɛreŋɛ Baaba Ala. A bata kinikini wo mɔ ma koola, han a ka a ma wo mɔ ni tasɔtɔ a nama la Isa la malawule sabu la. A to ka Isa lawuli faga ma, wolo ka a ma yige be wo mɔ ma, yige min te ban.

1 Piyɛri 1:3 Σταυροειδείς Αναφορές

Hɔrɔya 34:6

A tanbi tɛmuɛ Musa ɲakɔtɔ, a be a fɔla a kulɛ mayɛlɛreŋɛ la: «Nde le mu Alatala la! Nde Alatala, Ala kinikininte le mu n na, anun hinnɛnte, n juse te yɛlɛ teriya la, n na kanunteya dan bele, nɛn dɔndɔ tige le mu n na.

Yunusa 4:2

A ka Alatala mataran, a ko: «Ah! Alatala, n ka a lɔn de i mu Ala hinnɛnte le la, i mu kinikininte le la, i te dumɛn teriya la, i la kanunteya sɛnbɛ kolo, i mɛn si i la nata masara ɲagankata ma koe la. N to be n na jamanɛ tɔ nun, n ka wolo fɔ. Wolo ka a ma n borita teriya la tagala Taarisi.

Yaya 1:13

Wonu la sɔtɛ bele fatanden base la, ka wo ma Adamadeŋɛ sagoe, ka wo ma musu nun kayiya, a be fatanden Ala le la.

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

1 Tesaloniki 4:13

N nɛɛnɛdɔndɛnu, mɔ bele diren wo ni to fahamubaliya tɔ dɛnkɛnɛyabaganu la ko la minnu bata faga. Wolo si a ma wo te suunu iko mɔgɛ minnu bele anu yigi sɔren Ala ma.

2 Tesaloniki 2:16

Wo mɔ Marige Isa yati min mu Ala la mɔgɔ masubɛreŋɛ la, anun wo mɔ Baaba Ala, min bata wo mɔ kanu, min be hinnɛla wo mɔ la a ka yigi sɔdula ɲinma don wo mɔ bolo anun limaniya min te ban abada,

Yaguba 1:18

A yɛtɛ sagoe, a bata wo mɔ ma a la deŋɛnu la a la tɔɲa kuma sabu la, a ka wo mɔle fɔlɔfɔlɔ le kɛrɛkɛrɛ wo mɔ ni ma a tɛŋɛ la a la dalifeŋɛnu bɛ tɛma.

1 Piyɛri 1:13

Wolo mu, fɔ wo ni wo tabɛn, wo ni wo hakkile to koe ma wo be nala min mala: wo ni wo hakkile to wo yɛtɛ ma, wo ni wo yili bɛ sɔ Ala la kɔɔre ma, a be min diila wo ma Ala la mɔgɔ masubɛreŋɛ Isa na luŋɛ.

1 Piyɛri 1:21

Wo dɛnkɛnɛyata Ala ma ale le sabu la, Ala ka min nawuli faga ma, a ka kunnawule dii a ma. Wo butɔ, wo ni laa Ala la, wo ni wo hakkile sɔ a ma.

1 Piyɛri 1:23

Wo ni wo ma bayi wo bata tasɔtɔ a nama la Ala la kuma balureŋɛ sabu la. Wo kuma be misaliren sugu kole le la min te tiɲa. Sugu kole doenu si sa duge tɔ, anu ni ban ɲɔ. Kɔnɔ Ala la kuma kan te ban feu, a si to ɲɔ ⸂abada⸃.

1 Piyɛri 2:2

Ala la kuma ni diya wo ye iko bɔɔbɔ nɛnbɛlɛŋɛ be diren a nɛɛnɛ singi je ye ki min na. Ala la kuma be toren de iko singi je beeyareŋɛ. Ka wolo mata wo ye balue la, wo la koloya si sabati le.

1 Piyɛri 3:15

Kɔnɔ wo ni wo Marige Ala la mɔgɔ masubɛreŋɛ biliya wo juse tɔ. Wo ni wo tabɛn tɛmuɛ bɛ alako mɔgɛnu tini wo maɲininka wo yili be sɔren fen min na, wo ni nɔ a ɲatabɔla anu ye.

1 Piyɛri 3:21

Wo koe bata ma misale la dɛnkɛnɛyabaganu la malasuwɛ koe la je tɔ. Wo malasuwɛ koe butɔ, wo mɔ be malakise sɔtɔla kɛ wagate, Ala la mɔgɔ masubɛreŋɛ Isa la malawule le sabu la. Dɛnkɛnɛyabaganu la malasuwɛ te nɔgɛ bɔɔ anu bale ma, kɔnɔ ka min be lasuwɛla je tɔ, wo tigi be Ala mataranna a juse le ni beeya a ye.

1 Piyɛri 3:5

Fɔlɛ tɔ musu saniyandeŋɛnu ka anu yɛtɛ majabu ɲɔgɔnna le. Anu be anu hakkile toren Ala ma, anu be anu yɛtɛ majigila anu la kayenu ye,