San Marcos 8:29 - Alacatlatzala Mixtec New Testament

²⁹ Ta ni̱nda̱ka̱ to̱ꞌon ra na: ―Ta mi̱i ndó, ¿yukía̱ káchí ndó yu kúu i̱? Ta nda̱kuii̱n ta̱Pedro, ni̱ka̱ꞌa̱n ra: ―Yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo.

San Marcos 8:29 Σταυροειδείς Αναφορές

San Marcos 4:11

Ta saá ni̱ka̱ꞌa̱n ra xíꞌin na: ―Ta ndóꞌó kúnda̱a̱ ini ndó to̱ꞌon ña ñóꞌo seꞌé ña yo̱ꞌvi̱ ní ña káꞌa̱n xa̱ꞌa̱ yichi̱ no̱o̱ xáꞌnda chiño Ndios, chi saá ta̱xi Ndios ndaꞌa̱ ndó. Ta inka̱ ni̱vi kuiti xíni̱ so̱ꞌo na to̱ꞌon yóꞌo, ta o̱n vása kúnda̱a̱ va̱ꞌa ini na yukía̱ káchí ña.

San Lucas 9:20

Ta ta̱Jesús ni̱nda̱ka̱ to̱ꞌon ra na: ―Ta mi̱i ndó, ¿yukía̱ káchí ndó yu kúu i̱? Ta nda̱kuii̱n ta̱Pedro, ni̱ka̱ꞌa̱n ra: ―Yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo.

San Juan 11:27

Ta nda̱kuii̱n ñá, ni̱ka̱ꞌa̱n ñá: ―Ndixa, Tata, kándixa i̱ to̱ꞌon káꞌa̱n ún, ta kándixa i̱ yóꞌó kúu Cristo, Sa̱ꞌya Ndios, ta̱a ta̱ xi̱ndati ndi̱ ña tiꞌví Ndios, ta vitin xa ki̱xaa̱ ra ñoyívi yóꞌo ―káchí ñáMarta xíꞌin ta̱Jesús.

San Juan 4:42

Ta ni̱ka̱ꞌa̱n na xíꞌin ñaꞌa̱ ñáñoo mi̱i na yóꞌo, káchí na saá: ―Siꞌna ka̱ndixa ndi̱ ra xa̱ꞌa̱ to̱ꞌon ña nda̱to̱ꞌon ún xa̱ꞌa̱ ra. Ta vitin kándixa va̱ꞌa ndi̱ ra chi xi̱ni̱ so̱ꞌo ndi̱ to̱ꞌon ña ni̱ka̱ꞌa̱n mi̱i ra, ta kúnda̱a̱ ini ndi̱ ndí ndixa ta̱yóꞌo kúu Cristo, Ta̱a ta̱ Saka̱ku ni̱vi ñoyívi yóꞌo ―káchí na xíꞌin ñá.

San Juan 6:68

Ta nda̱kuii̱n ta̱Simón Pedro ni̱ka̱ꞌa̱n ra: ―Tata, ¿yu kúu ka̱ ví inka̱ ta̱a ta̱ kuchiño ndi̱ kundiko̱n ndi̱?, chi ñii la̱á yóꞌó kúu ta̱a ta̱ káꞌa̱n to̱ꞌon ña kómí ndee̱ ña taxi kutaku̱ ndinoꞌo ni̱vi.

San Juan 6:69

Xa kándixa va̱ꞌa ndi̱ yóꞌó, ta xíni̱ ndi̱ yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo ta kúu ún Sa̱ꞌya Ndios ta̱táku̱ ―káchí ta̱Pedro xíꞌin ta̱Jesús.

Hechos 8:36

Ta saá kua̱ꞌa̱n ka̱ na yichi̱ xíꞌin tón carreta, ta ni̱xaa̱ na ñii xiiña no̱o̱ ñóꞌo takuií. Ta ni̱ka̱ꞌa̱n ta̱Etiopía, káchí ra saá: ―Yóꞌo ñóꞌo takuií. ¿Án yóo ka̱ inka̱ chiño kúma̱ni̱ kasa ndivi i̱, ta saá va̱ꞌa kuchiño kuchu i̱ vitin? ―káchí ra xíꞌin ta̱Felipe.

Hechos 9:20

Ta saá ta̱Saulo kama ní ki̱xáꞌá ra kua̱ꞌa̱n ra ñii ñii veꞌe ño̱ꞌo sinagoga ñoo Damasco yóꞌo, ta káꞌa̱n ndoso ra to̱ꞌon va̱ꞌa xa̱ꞌa̱ ta̱Jesús no̱o̱ ni̱vi. Ndáto̱ꞌon ra xíꞌin na ndí ndixa ñanda̱a̱ ta̱Jesús kúu Sa̱ꞌya Ndios.

1 Pedro 2:7

Ta ndóꞌó ni̱vi na kándixa Jesucristo, nda̱tán yóo yu̱u̱ káꞌno ña ndáya̱ꞌví ní, saá yóo ra no̱o̱ ndó, ta no̱o̱ inka̱ ni̱vi na o̱n xi̱in kandixa Jesucristo, o̱n vása ndáya̱ꞌví ra no̱o̱ na, ta saá kúndivi to̱ꞌon Ndios ña káchí saá: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe, saá káchí to̱ꞌon Ndios.

1 Juan 4:15

Ta ndiꞌi ni̱vi na ndinoꞌo ini káꞌa̱n ña kándixa na ndí Jesucristo kúu Sa̱ꞌya Ndios, Ndios yóo ra táku̱ ra ini ni̱vi yóꞌo, ta ni̱vi yóꞌo yóo na táku̱ na ini Ndios.

1 Juan 5:1

Ndiꞌi ni̱vi na kándixa ndí ta̱Jesús kúu Cristo, ta̱a ta̱ ti̱ꞌví Ndios saka̱ku ra mi̱i yó, ta ni̱vi yóꞌo kúu sa̱ꞌya ndinoꞌo Ndios. Ta ndiꞌi ni̱vi na ndixa kíꞌvi ini xíni na Yivá yó Ndios, ta ni̱vi yóꞌo, saá tuku kíꞌvi ini na xíni na ni̱vi na kúu sa̱ꞌya ra.