San Marcos 7:13 - Alacatlatzala Mixtec New Testament

¹³ Ta saá chíkaa̱ ni̱no̱ ndó to̱ꞌon Ndios xa̱ꞌa̱ ña ndíko̱n ndó yichi̱ mi̱i ndó, ta sánáꞌa ndó yichi̱ mi̱i ndó inka̱ ni̱vi. Ta kísa ndivi ndó kua̱ꞌa̱ ní ka̱ ña o̱n váꞌa ña ñii kúu xíꞌin ñayóꞌo ―káchí ta̱Jesús xíꞌin na.

San Marcos 7:13 Σταυροειδείς Αναφορές

San Mateo 15:6

Ta xa̱ꞌa̱ ña káꞌa̱n ra ñayóꞌo káchí ña saá: O̱n vása xíni̱ ñóꞌó ka̱ kasa to̱ꞌó ra yivá ra, ta o̱n vása xíni̱ ñóꞌó ka̱ kasa to̱ꞌó ra siꞌí ra. Ta saá chíkaa̱ ni̱no̱ ndó to̱ꞌon Ndios xa̱ꞌa̱ ña ndíko̱n ndó yichi̱ mi̱i ndó.

San Marcos 7:12

Ta ñayóꞌo kúu ñava̱ꞌa no̱o̱ ndóꞌó, ña o̱n vása xíni̱ ñóꞌó ka̱ kasa to̱ꞌó ra yivá ra, ta o̱n vása xíni̱ ñóꞌó ka̱ kasa to̱ꞌó ra siꞌí ra.

San Marcos 7:14

Ta ta̱Jesús ka̱na ra ni̱vi va̱xi na no̱o̱ ra, ta ni̱ka̱ꞌa̱n ra saá xíꞌin na: ―Koni̱ so̱ꞌo ndiꞌi ndó, ta kunda̱a̱ ini ndó ña ka̱ꞌa̱n i̱ xíꞌin ndó.

San Marcos 7:3

(Saá chi nafariseo xíꞌin inka̱ najudío siꞌna vivíi ndáꞌá na ta saá xíxi na, chi kísa ndivi na ña sa̱náꞌa naxi̱i̱ síkuá na xi̱na̱ꞌá.

San Marcos 7:5

Ta nafariseo xíꞌin na sánáꞌa nda̱yí Ndios ni̱nda̱ka̱ to̱ꞌon na ta̱Jesús: ―¿Nda̱chun o̱n vása kísa ndivi naxíka xíꞌin ún ña sa̱náꞌa naxi̱i̱ síkuá yó xi̱na̱ꞌá, ña siꞌna vivíi ndaꞌá na ta kuxu na?, chi na o̱n vása ndáꞌá, naya̱kua̱ kúu na no̱o̱ Ndios.

San Marcos 7:9

Ta tuku ni̱ka̱ꞌa̱n ra xíꞌin na: ―Xáa noo ndó nda̱yí ña xáꞌnda chiño Ndios, ta kuiti kísa ndivi ndó ña sa̱náꞌa naxi̱i̱ síkuá ndó xi̱na̱ꞌá.

Gálatas 1:14

Ta xa̱ꞌa̱ ña ndeé ní ki̱sa ndivi i̱ ndiꞌi ña xáꞌnda chiño yichi̱ najudío, yi̱ꞌi̱ xi̱kuu i̱ ñii ta̱no̱ó, ta̱a ta̱ ndeé ka̱ ni̱xika no̱o̱ ndiꞌi najudío na ñii káchí kui̱ya̱ xíꞌin i̱. Saá chi chi̱kaa̱ ní ka̱ i̱ ndee̱ ña kasa ndivi i̱ ndiꞌi saá ña xáꞌnda chiño yichi̱ naxi̱i̱ síkuá i̱ najudío.

Gálatas 5:21

Ta ni̱vi yóꞌo kísa kuíni̱ na ta chíkaa̱ ni̱no̱ na inka̱ ni̱vi, ta xáꞌni na ni̱vi, ta xíꞌi ní na nduta̱ tá sáxíini ni̱vi, ta kúsii̱ ní ini na koo na viko̱ no̱o̱ kéꞌé ni̱vi ndiꞌi saá no̱o̱ ña o̱n váꞌa ñakini, ta ni̱vi yóꞌo táku̱ na kéꞌé na kua̱ꞌa̱ ní ka̱ inka̱ no̱o̱ ña o̱n váꞌa. Ta yi̱ꞌi̱, xa nda̱to̱ꞌon i̱ xíꞌin ndó, ta vitin tuku káꞌa̱n i̱ xíꞌin ndó, káchí i̱ saá: Ni̱vi na táku̱ kéꞌé ndiꞌi ña o̱n váꞌa ña sa̱kán nda̱to̱ꞌon i̱ xa̱ꞌa̱, ni̱vi yóꞌo o̱n kutaku̱ na xíꞌin Ndios no̱o̱ xáꞌnda chiño ra.

Tito 1:14

Ta xíꞌin to̱ꞌon ña nda̱a̱ yóꞌo chindeé ún na ña o̱n kandixa ka̱ na cuento ña ndasaá kuiti káku si̱ni̱ ni̱vi najudío, ta chindeé ún na ña o̱n chikaa̱ so̱ꞌo ka̱ na to̱ꞌon ña xáꞌnda chiño ni̱vi na kúu na o̱n xi̱in kandixa to̱ꞌon ña nda̱a̱.