San Marcos 6:52 - Alacatlatzala Mixtec New Testament

⁵² chi nasóꞌó ní kúu na, ta o̱n vása kúnda̱a̱ ini na yu kúu ta̱Jesús, ta ni o̱n vása kúnda̱a̱ ini na mí va̱xi ndee̱ ra ña kéꞌé ra ña kúchiño ra taxi ra xíxi kua̱ꞌa̱ ní ni̱vi.

San Marcos 6:52 Σταυροειδείς Αναφορές

San Marcos 16:14

Ta saá ta̱Jesús ni̱ti̱vi ra no̱o̱ na u̱xu̱ ñii naxíka xíꞌin ra, tá ndóo ka̱ na no̱o̱ mesa. Ta ndeé ní ni̱ka̱ꞌa̱n ra xíꞌin na o̱n váꞌa kéꞌé na xa̱ꞌa̱ ña ni̱‑xiin na kandixa na ña na̱taku̱ ra, chi kísa sóꞌó xíꞌin mi̱i na, saá chi ni̱‑xiin na koni̱ so̱ꞌo na to̱ꞌon ña ni̱ka̱ꞌa̱n ni̱vi na xi̱ni xa na̱taku̱ ra.

San Marcos 3:5

Ta ta̱Jesús na̱koto va̱ꞌa ra no̱o̱ ndiꞌi na, ta ni̱saa̱ ra xi̱ni ra na, ta kúchuchú ní ini ra chi na toon ní ini kúu na. Ta ni̱ka̱ꞌa̱n ra xíꞌin ta̱a ta̱ yi̱chí ndaꞌa̱: ―Sanakaa̱ ún ndaꞌa̱ ún vitin ―káchí ra. Ta ta̱yóꞌo sa̱nakaa̱ ra ndaꞌa̱ ra, ta ndu̱va̱ꞌa ña.

San Marcos 7:18

Ta ni̱ka̱ꞌa̱n ra xíꞌin na: ―¿Án ñii ki̱ꞌva nda̱tán yóo inka̱ ni̱vi, saá yóo ndóꞌó? ¿Án ta̱ꞌán kunda̱a̱ ini ndó? Ndiꞌi ña xíxi ni̱vi ta kíꞌvi ña yuꞌu̱ na, ta o̱n vása ndása ña ña nduu na ni̱vi ya̱kua̱ no̱o̱ Ndios.

San Lucas 24:25

Ta saá ni̱ka̱ꞌa̱n ta̱Jesús xíꞌin na: ―¿Án kíꞌví si̱ni̱ ndó? ¡Nda̱chun yo̱ꞌvi̱ ní kandixa ndó ndiꞌi to̱ꞌon ña ni̱taa naprofeta, na ni̱ka̱ꞌa̱n ndoso to̱ꞌon Ndios xi̱na̱ꞌá!

San Juan 12:40

O̱n vása ní‑xiin na nakoni na ta ko̱ꞌo̱n na yichi̱ ña kúu ñanda̱a̱, ña̱kán kía̱ Ndios ta̱xi ra ña nduu nayóꞌo nda̱tán yóo ni̱vi nakuáá, chi o̱n vása kúchiño na koni na ñanda̱a̱. Ta xa̱ꞌa̱ ña ni̱‑xiin na kandixa na ñanda̱a̱, Ndios ta̱xi ra ña nduu toon ní ka̱ ini na, nduu na ni̱vi na o̱n vása kúchiño kandixa ñanda̱a̱. Ta xa̱ꞌa̱ ni̱vi yóꞌo, Ndios ni̱ka̱ꞌa̱n ra, ka̱chí ra saá: “Nda̱ loꞌo ni̱‑xiin na nandikó ini na, ta ni̱‑xiin na kixi na no̱o̱ i̱ xa̱ꞌa̱ ña sandaꞌa i̱ na ña va̱ꞌa kutaku̱ na yichi̱ nda̱a̱”, ka̱chí Ndios no̱o̱ to̱ꞌon ra ña ni̱taa ta̱Isaías kui̱ya̱ xi̱na̱ꞌá.

Romanos 11:7

Ta saá, ¿yukía̱ kóni kachí to̱ꞌon yóꞌo ña sa̱kán ni̱taa i̱? Kóni kachí ña ndí o̱n si̱ví ndiꞌi naIsrael kúu ni̱vi na xa na̱níꞌi ña ndúkú na, so ñii tiꞌvi kuiti naIsrael kúu ni̱vi na xa na̱níꞌi ña ndúkú na. Saá chi ñii tiꞌvi ni̱vi yóꞌo kúu na na̱ka̱xin Ndios ña kundiko̱n na ra. Ta inka̱ táꞌví ni̱vi nañoo Israel ndu̱u na ni̱vi nasóꞌó no̱o̱ to̱ꞌon Ndios.