San Marcos 5:34 - Alacatlatzala Mixtec New Testament

³⁴ Ta ni̱ka̱ꞌa̱n ta̱Jesús xíꞌin ñá: ―Nana, xa ndu̱va̱ꞌa ún chi kándixa ini ún yi̱ꞌi̱. Ta vitin noꞌo̱ ún, ta ná koo va̱ꞌa ini ún chi ndu̱va̱ꞌa ún, xa ke̱e kue̱ꞌe̱ yóꞌó.

San Marcos 5:34 Σταυροειδείς Αναφορές

San Mateo 9:2

Ta saá sava ni̱vi va̱xi na xíꞌin ñii ta̱ ndeé ndóꞌo no̱o̱ ta̱Jesús, kánóo ra no̱o̱ xi̱to, ñíso̱kó na, chi o̱n ki̱ví kanda ra. Tá ta̱Jesús xi̱ni ra ña kándixa na ndí kúndeé ra sandaꞌa ra ta̱táꞌan na, ta ni̱ka̱ꞌa̱n ta̱Jesús xíꞌin ta̱ ndeé ndóꞌo, káchí ra saá: ―Ñani, o̱n kuyi̱ꞌví ún. Vitin xa ki̱sa káꞌno ini i̱ xa̱ꞌa̱ kua̱chi ún ―káchí ta̱Jesús.

San Mateo 9:22

Ta ndi̱kó koo ta̱Jesús ta xi̱ni ra ñá, ta káchí ra saá xíꞌin ñá: ―O̱n kuyi̱ꞌví ún, nana. Xa ndu̱va̱ꞌa ún chi kándixa ini ún yi̱ꞌi̱. Ta saá xa̱ndi̱ko̱n ndu̱va̱ꞌa ñá, ta ni̱ya̱a̱ xíta̱ ni̱i̱ ñá.

San Marcos 10:52

Ta ni̱ka̱ꞌa̱n ta̱Jesús xíꞌin ra: ―Va̱ꞌa kua̱noꞌo̱ ún. Xa ndu̱va̱ꞌa nduchu̱ no̱o̱ ún, saá chi kándixa ún yi̱ꞌi̱. Ta xa̱ndi̱ko̱n nda̱ꞌa nduchu̱ no̱o̱ ra, ta xa va̱ꞌa xíto ra, ta saá na̱kundiko̱n ra sa̱ta̱ ta̱Jesús.

San Marcos 3:10

Ta xa sa̱ndaꞌa ra kua̱ꞌa̱ ní ni̱vi, ña̱kán inka̱ na ndeé ndóꞌo kóni na to̱nda̱a yatin na ra a̱nda̱ tiin na ra ña koni na ndaꞌa na.

San Marcos 5:29

Tá ni̱to̱nda̱a ndaꞌa̱ ñá tiko̱to̱ ra, ta saá xa̱ndi̱ko̱n ni̱ya̱a̱ xíta̱ ni̱i̱ ñá, ta ku̱nda̱a̱ ini ñá ndí xa nda̱ꞌa ñá.

San Marcos 5:33

Ta ñáñaꞌa̱ yóꞌo, ta yíꞌví ñá nda̱ kísin ñá, chi ku̱nda̱a̱ ini ñá yukía̱ ku̱va̱ꞌa xíꞌin ñá, ta ki̱xaa̱ ñá xi̱kuxítí ñá no̱o̱ ta̱Jesús, ta nda̱to̱ꞌon ñá ndiꞌi ñanda̱a̱ xíꞌin ra.

San Lucas 17:19

Ta saá ni̱ka̱ꞌa̱n ta̱Jesús xíꞌin ta̱a ta̱ ndu̱va̱ꞌa: ―Nakundichi ún, ta kua̱noꞌo̱ ún. Xa ndu̱va̱ꞌa ún chi ka̱ndixa ún yi̱ꞌi̱ ―káchí ta̱Jesús xíꞌin ra.

San Lucas 18:42

Ta ni̱ka̱ꞌa̱n ta̱Jesús xíꞌin ra: ―Va̱ꞌa, xa ndu̱va̱ꞌa nduchu̱ no̱o̱ ún, saá chi kándixa ún yi̱ꞌi̱.

San Lucas 7:50

Ta ta̱Jesús ni̱ka̱ꞌa̱n ra xíꞌin ñaꞌa̱: ―Xa̱ꞌa̱ ña kándixa ún yi̱ꞌi̱, Ndios sa̱ka̱ku ra yóꞌó. Ta vitin ná koo va̱ꞌa ini ún ta kua̱noꞌo̱ ún veꞌe ún ―káchí ra xíꞌin ñá.

San Lucas 8:48

Ta ni̱ka̱ꞌa̱n ta̱Jesús xíꞌin ñá: ―Nana, xa ndu̱va̱ꞌa ún chi kándixa ini ún yi̱ꞌi̱. Ta vitin noꞌo̱ ún, ta ná koo va̱ꞌa ini ún.

Hechos 14:9

Ta ta̱a yóꞌo yóo ra xíni̱ so̱ꞌo ra to̱ꞌon káꞌa̱n ta̱Pablo, ta saá ta̱Pablo xi̱to káxín ra nduchu̱ no̱o̱ ta̱ o̱n ki̱ví kaka xáꞌá yóꞌo, ta ku̱nda̱a̱ ini ra ndí ta̱yóꞌo kándixa ra ndí Ndios kúchiño ra sandúva̱ꞌa ñaꞌá ra.

Hechos 15:33

Ta saá ki̱ndo̱o na loꞌo ka̱ ki̱vi̱ ñoo Antioquía, ta saá ni̱vi na kándixa ta̱Jesús ñoo yóꞌo ndu̱kú na no̱o̱ Ndios ña keꞌé ra ñava̱ꞌa xíꞌin ni̱vi na ki̱xaa̱ no̱o̱ na xíꞌin tutu, ta ni̱nda̱yi na nata̱a yóꞌo. Ta saá na̱kiꞌin na kua̱ꞌa̱n noꞌo̱ na, ta na̱xaa̱ na no̱o̱ ni̱vi na ti̱ꞌví ñaꞌá.

Hechos 16:36

Ta saá ta̱ ndíso chiño xíꞌin veꞌe ka̱a yóꞌo ni̱ka̱ꞌa̱n ra xíꞌin ta̱Pablo, káchí ra saá: ―Nachiño ni̱ka̱ꞌa̱n na xíꞌin i̱ ndí xíni̱ ñóꞌó saña i̱ ndóꞌó vitin ña ko̱ꞌo̱n ndíka̱ ndó. Ta vitin va̱ꞌa kee ndó ko̱ꞌo̱n ndíka̱ ndó, ta ná taxi Ndios ña koo ñava̱ꞌa ini ndó ―káchí ta̱yóꞌo xíꞌin naapóstol.

Santiago 2:16

ta káchí yó xíꞌin na: “Nakutáꞌan yó inka̱ ki̱vi̱. Va̱ꞌa koo ún, ta va̱ꞌa ná koo tiko̱to̱ kundixin ún chi vi̱xin ní, ta kua̱ꞌa̱ kuxu ún nda̱ xáa ini ún”, káchí yó xíꞌin na, ta o̱n vása taxi yó ña xíni̱ ñóꞌó na ndaꞌa̱ na, ta nda̱ ma̱ni̱ káꞌa̱n yó to̱ꞌon yóꞌo xíꞌin na, chi o̱n vása ndáya̱ꞌví ña.