San Marcos 4:40 - Alacatlatzala Mixtec New Testament

⁴⁰ Ta ni̱ka̱ꞌa̱n ta̱Jesús xíꞌin naxíka xíꞌin ra: ―¿Nda̱chun yíꞌví ní ndó? ¿Nda̱chun o̱n vása kándixa ndó Ndios ndáa ra ndóꞌó?

San Marcos 4:40 Σταυροειδείς Αναφορές

San Mateo 14:31

Ta ta̱Jesús xa̱ndi̱ko̱n sa̱nakaa̱ ra ndaꞌa̱ ra, ta ti̱in ra ta̱Pedro, ta ni̱ka̱ꞌa̱n ra xíꞌin ra: ―¡Ta̱a ta̱ loꞌo ní kándixa ini yi̱ꞌi̱ kúu yóꞌó! ¿Nda̱chun xíka ini ún, ta o̱n vása kándixa ún yi̱ꞌi̱ chindeé i̱ yóꞌó?

San Mateo 16:8

Ta ku̱nda̱a̱ ini ta̱Jesús yukía̱ ni̱ka̱ꞌa̱n xíꞌin táꞌan na, ta káchí ra saá xíꞌin na: ―Na o̱n vása kándixa kúu ndó. ¿Nda̱chun káꞌa̱n xíꞌin táꞌan ndó: “O̱n ko̱ó si̱ta̱ va̱ꞌa níꞌi yó”, káchí ndó?

San Mateo 6:30

Vará nda̱ loꞌo ki̱vi̱ táku̱ yita válí yuku̱, chi ñii ki̱vi̱ ndáxaa ña, ta inka̱ ki̱vi̱ ndáꞌva̱ ña, ta saá táan na ña ini xi̱to̱n ko̱ko̱ ña, ta Ndios ndáa ra ña, ta ndátón sákundixin ra ña. Ñayóꞌo sánáꞌa ndí Ndios ndáa va̱ꞌa ra ndóꞌó, chi ndóꞌó ndáya̱ꞌví ní ka̱ ndó no̱o̱ yita válí. ¿Nda̱chun loꞌo ní kándixa ndó Ndios ña kundaa ra ndóꞌó?

San Mateo 8:26

Ta ni̱ka̱ꞌa̱n ta̱Jesús xíꞌin na: ―¿Nda̱chun yíꞌví ní ndó? ¿Nda̱chun o̱n vása kándixa ndó Ndios ndáa ra ndóꞌó? Ta nda̱koo ta̱Jesús, ta xa̱ꞌnda chiño ra no̱o̱ ta̱chi̱ naꞌá xíꞌin takuií mi̱ni. Ta saá ku̱tásin ta̱chi̱ naꞌá xíꞌin takuií mi̱ni, ñii ya̱a̱ ya̱a̱ ku̱u.

San Marcos 4:41

Saá ni, ni̱yi̱ꞌví ka̱ na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? ¡Chi nda̱ ta̱chi̱ naꞌá xíꞌin takuií mi̱ni xíni̱ so̱ꞌo to̱ꞌon káꞌa̱n ra! ―káchí na.

San Lucas 8:25

Ta ni̱ka̱ꞌa̱n ra xíꞌin naxíka xíꞌin ra: ―¿Nda̱chun o̱n vása kándixa ndó Ndios ndáa ra yó? ―káchí ra. Ta nayóꞌo yíꞌví ní na, ta na̱kaꞌnda ní ini na ndóo na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? Chi xáꞌnda chiño ra no̱o̱ ta̱chi̱ naꞌá xíꞌin takuií mi̱ni, ta xíni̱ so̱ꞌo ña to̱ꞌon káꞌa̱n ra ―káchí na.