San Marcos 4:14 - Alacatlatzala Mixtec New Testament

¹⁴ Ta cuento yóꞌo káchí ña saá: Ta̱a ta̱ chíꞌi ndiki̱n trigo ñii ki̱ꞌva yóo ra xíꞌin ñii ta̱a ta̱ káꞌa̱n ndoso to̱ꞌon Ndios xíꞌin ni̱vi.

San Marcos 4:14 Σταυροειδείς Αναφορές

San Mateo 13:19

Ndiki̱n ña ni̱ko̱yo yichi̱ ndáto̱ꞌon ña xa̱ꞌa̱ ni̱vi na xíni̱ so̱ꞌo xa̱ꞌa̱ yichi̱ no̱o̱ xáꞌnda chiño Ndios, ta nayóꞌo o̱n vása kúnda̱a̱ ini na, ta saá va̱xi ñandiva̱ꞌa káꞌno ta táva ña to̱ꞌon Ndios ña xi̱ni̱ so̱ꞌo na.

San Mateo 13:3

Ta ki̱xáꞌá ra ndáto̱ꞌon ra kua̱ꞌa̱ ní cuento ña sanáꞌa ra na, ta káchí ra saá xíꞌin na: ―Saá ndo̱ꞌo ñii ta̱a ta̱ chíꞌi ndiki̱n trigo.

San Mateo 13:37

Ta nda̱kuii̱n ra, káchí ra saá xíꞌin na: ―Ta̱a ta̱ chi̱ꞌi ndiki̱n trigo kúu yi̱ꞌi̱, ta̱a ta̱ ki̱xi no̱o̱ Ndios.

San Marcos 2:2

Ta xa̱ndi̱ko̱n kua̱ꞌa̱ ní ni̱vi na̱kutáꞌan na veꞌe no̱o̱ yóo ra, ta ni̱‑kunani kundo̱o ndiꞌi na veꞌe yóꞌo, ni nda̱ yéꞌé o̱n vása ní‑kunani kundo̱o na. Ta káꞌa̱n ta̱Jesús to̱ꞌon ñava̱ꞌa xa̱ꞌa̱ Ndios xíꞌin ndiꞌi na.

San Marcos 4:13

Ta saá ta̱Jesús ni̱ka̱ꞌa̱n ra xíꞌin na: ―¿Án o̱n vása kúnda̱a̱ ini ndó yukía̱ káchí cuento yóꞌo? Tá o̱n vása kúnda̱a̱ ini ndó ñayóꞌo, ta, ¿ndasaá kunda̱a̱ ini ndó inka̱ cuento ña ndato̱ꞌon i̱ xíꞌin ndó?

San Marcos 4:15

Sava ni̱vi nda̱tán ndóꞌo ndiki̱n ña ni̱ko̱yo yichi̱, saá ndóꞌo na. Saá chi xíni̱ so̱ꞌo na to̱ꞌon yóꞌo, ta kíxaa̱ ñandiva̱ꞌa káꞌno ta táva ña to̱ꞌon Ndios ña xi̱ni̱ so̱ꞌo na.

San Marcos 4:3

―Koni̱ so̱ꞌo ndó cuento yóꞌo. Saá ndo̱ꞌo ñii ta̱a ta̱ chíꞌi ndiki̱n trigo.

San Lucas 1:2

Ta ñii ki̱ꞌva nda̱tán yóo to̱ꞌon ña sa̱náꞌa na xi̱ndiko̱n sa̱ta̱ ra, saá yóo ña ni̱taa na. Ta̱nda̱ ki̱vi̱ ki̱xáꞌá Jesucristo kísa chiño ra ñoyívi yóꞌo, xi̱ni na ña ke̱ꞌé ra, ta xi̱ni̱ so̱ꞌo na ña sa̱náꞌa ra, ta nayóꞌo ni̱ka̱ꞌa̱n ndoso na to̱ꞌon ra.

San Lucas 8:11

Ta saá ni̱ka̱ꞌa̱n ka̱ ra xíꞌin naxíka xíꞌin ra: ―Vitin káꞌa̱n i̱ xíꞌin ndó yukía̱ káchí cuento yóꞌo xa̱ꞌa̱ ta̱ chíꞌi ndiki̱n trigo. Ndiki̱n ña chi̱ꞌi ta̱a ndáto̱ꞌon ña xa̱ꞌa̱ to̱ꞌon Ndios.

Hechos 8:4

Ta ni̱vi na kándixa ta̱Jesús na kúu na ni̱xi̱ta̱ níꞌnó, tá kua̱ꞌa̱n nayóꞌo inka̱ xiiña, ta ki̱xáꞌá na káꞌa̱n ndoso na to̱ꞌon va̱ꞌa xa̱ꞌa̱ ta̱Jesús no̱o̱ ni̱vi na táku̱ ñoo no̱o̱ kua̱ꞌa̱n na.