San Marcos 2:27 - Alacatlatzala Mixtec New Testament

²⁷ Ta káchí ka̱ ra saá xíꞌin na: ―Xa̱ꞌa̱ ni̱vi kúu ña ki̱sa va̱ꞌa Ndios ki̱vi̱ ña nákindée yó, o̱n si̱ví xa̱ꞌa̱ ki̱vi̱ ña nákindée yó kúu ña ki̱sa va̱ꞌa ra ni̱vi.

San Marcos 2:27 Σταυροειδείς Αναφορές

San Marcos 2:28

Yi̱ꞌi̱, ta̱a ta̱ ki̱xi no̱o̱ Ndios, kómí i̱ nda̱yí ka̱ꞌa̱n i̱ yukía̱ va̱ꞌa keꞌé yó ki̱vi̱ yi̱i̱ ña nákindée yó ―káchí ta̱Jesús xíꞌin na.

San Lucas 6:9

Ta ta̱Jesús ni̱nda̱ka̱ to̱ꞌon ra ni̱vi: ―¿Yukía̱ káchí nda̱yí Ndios xa̱ꞌa̱ ki̱vi̱ yi̱i̱ ña nákindée yó? ¿Án o̱n vása ndixa káchí ña keꞌé yó ñava̱ꞌa, ta o̱n keꞌé yó ñandiva̱ꞌa? ¿Án o̱n vása ndixa káchí ña saka̱ku yó ni̱vi, ta o̱n sandiꞌi yó xa̱ꞌa̱ na? ―káchí ra.

San Juan 7:23

Ta xa̱ꞌa̱ ña o̱n xi̱in ndó yaꞌa ndoso ndó no̱o̱ nda̱yí ta̱Moisés, ta ndu̱xa̱ kasa ndivi ndó chiño loꞌo ña na̱ní circuncisión, vará mi̱i ki̱vi̱ yi̱i̱ kúu ña. Ta saá, ¿nda̱chun sáa̱ ini ndó xíni ndó yi̱ꞌi̱ xa̱ꞌa̱ ña ki̱sa ndivi i̱ chiño va̱ꞌa, chi sa̱ndaꞌa i̱ ñii ta̱ ndeé ndóꞌo, vará ki̱vi̱ yi̱i̱ xi̱kuu ña?

2 Corintios 4:15

Ta vitin ndiꞌi ña xóꞌvi̱ ndi̱ kúu xa̱ꞌa̱ ña kíꞌvi ini ndi̱ xíni ndi̱ ndóꞌó. Saá chi ñava̱ꞌa ña kéꞌé Ndios xa̱ꞌa̱ ña saka̱ku ra ni̱vi, ñayóꞌo xíta̱ níꞌnó ña no̱o̱ kua̱ꞌa̱ ní ni̱vi, ta nákiꞌin na ña. Ta saá víꞌí ní ni̱vi taxi na ña táxaꞌvi ñaꞌá ndaꞌa̱ Ndios xa̱ꞌa̱ ñava̱ꞌa nákiꞌin na, ta chinóo síkón ní na ñato̱ꞌó Ndios.

Colosenses 2:16

Ta xa̱ꞌa̱ ñayóꞌo, o̱n váꞌa chikaa̱ so̱ꞌo ndó nda̱ ñii ni̱vi na káꞌa̱n kuáchí xíꞌin ndó xa̱ꞌa̱ ña o̱n vása kísa ndivi ndó nda̱yí mi̱i na. Chi xáꞌnda chiño na ndí o̱n váꞌa kuxu ndó sava kiti̱, ta o̱n váꞌa koꞌo ndó sava nduta̱. Ta xáꞌnda chiño na ndí xíni̱ ñóꞌó sakana ndó viko̱ ñii ñii ki̱vi̱ káꞌno ñayi̱i̱, ta xíni̱ ñóꞌó sakana ndó viko̱ ñii ñii yo̱o̱ xa̱á, ta xíni̱ ñóꞌó kasa ndivi ndó ndiꞌi nda̱yí ña káꞌa̱n xa̱ꞌa̱ ki̱vi̱ yi̱i̱ ña nákindée najudío.