San Marcos 14:72 - Alacatlatzala Mixtec New Testament

⁷² Ta xa̱ndi̱ko̱n ka̱na nduxú chée yichi̱ o̱vi̱. Ta saá na̱káꞌán ta̱Pedro to̱ꞌon ña ni̱ka̱ꞌa̱n ta̱Jesús xíꞌin ra: “Ta̱ꞌán ka̱ kana nduxú chée o̱vi̱ yichi̱ ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ndí o̱n vása xíni̱ ún yi̱ꞌi̱.” Ta kúchuchú ní ini ta̱Pedro, ta ki̱xáꞌá ra ndeé ní xáku ra ña nákáꞌán ra to̱ꞌon yóꞌo.

San Marcos 14:72 Σταυροειδείς Αναφορές

San Mateo 26:34

Ta ni̱ka̱ꞌa̱n ta̱Jesús xíꞌin ra: ―Ndixa káꞌa̱n i̱ xíꞌin ún, ta̱ꞌán ka̱ kana nduxú chée ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ña o̱n vása xíni̱ ún yi̱ꞌi̱ ―káchí ta̱Jesús xíꞌin ra.

San Marcos 14:30

Ta ni̱ka̱ꞌa̱n ta̱Jesús xíꞌin ra: ―Ndixa káꞌa̱n i̱ xíꞌin ún, ta̱ꞌán ka̱ kana nduxú chée o̱vi̱ yichi̱ ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ña o̱n vása xíni̱ ún yi̱ꞌi̱ ―káchí ta̱Jesús xíꞌin ra.

San Marcos 14:68

Ta ta̱Pedro ni̱ka̱ꞌa̱n ra, káchí ra saá: ―O̱n vása xíni̱ i̱ ta̱kaa̱, ni o̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta saá ke̱e ra yéꞌé ke̱ꞌe veꞌe yóꞌo. Ta ka̱na ñii nduxú chée.

San Marcos 14:71

Ta ki̱xáꞌá ta̱Pedro xíꞌin ndiꞌi ndee̱ ra ni̱ka̱ꞌa̱n ra, káchí ra saá: ―Xa ni̱ka̱ꞌa̱n i̱ xíꞌin ndó, o̱n vása xíni̱ i̱ ta̱kaa̱. ¡Ndios ná saxo̱ꞌvi̱ ra yi̱ꞌi̱ tá ñavatá káꞌa̱n i̱! ―káchí ra.

San Lucas 22:60

Ta nda̱kuii̱n ta̱Pedro, ni̱ka̱ꞌa̱n ra: ―O̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta̱nda̱ ta̱ꞌán ka̱ ndiꞌi ka̱ꞌa̱n ta̱Pedro, ta ka̱na ñii nduxú chée.

San Lucas 22:62

Ta ke̱e ta̱Pedro ke̱ꞌe, ta kúchuchú ní ini ra, ta ndeé ní xáku ra xíꞌin ndinoꞌo ini ra.

2 Corintios 7:10

Saá chi ña kúchuchú ini táxi Ndios xóꞌvi̱ ni̱vi, ñayóꞌo chíndeé ña ni̱vi yóꞌo ña nandikó ini na, ta ka̱ꞌa̱n na ndukú na no̱o̱ Ndios ña kasa káꞌno ini ra xa̱ꞌa̱ kua̱chi na, ta saka̱ku ra na. Ta saá ña kúchuchú ini ni̱vi ña táxi Ndios xóꞌvi̱ na kúu ñii ñava̱ꞌa xa̱ꞌa̱ mi̱i na. Ta yóo inka̱ no̱o̱ ña kúchuchú ini ni̱vi na kúu na ndíko̱n yichi̱ ñoyívi yóꞌo. Ta ña kúchuchú ini nayóꞌo o̱n si̱ví ñava̱ꞌa kúu ña, chi chíndaꞌá ña ni̱vi yóꞌo ña ko̱ꞌo̱n na yichi̱ no̱o̱ kivi̱ na no̱o̱ Ndios.