San Marcos 11:31 - Alacatlatzala Mixtec New Testament

³¹ Ta saá ki̱xáꞌá na káꞌa̱n táꞌan xíꞌin mi̱i na: ―¿Ndasaá koo ndakuii̱n yó vitin? Chi táná ka̱ꞌa̱n yó Ndios ta̱xi nda̱yí ndaꞌa̱ ta̱Juan, ta saá nda̱ka̱ to̱ꞌon ta̱Jesús mi̱i yó: “¿Nda̱chun o̱n vása ní‑kandixa ndó ña ni̱ka̱ꞌa̱n ra?”

San Marcos 11:31 Σταυροειδείς Αναφορές

San Mateo 16:7

Ta ni̱ka̱ꞌa̱n naxíka xíꞌin ra xíꞌin táꞌan na, káchí na saá: ―Káꞌa̱n ra saá xíꞌin yó chi o̱n ko̱ó si̱ta̱ va̱ꞌa níꞌi yó.

San Marcos 11:32

¿Án kivi ka̱ꞌa̱n yó ni̱vi kuiti kúu na ta̱xi nda̱yí ndaꞌa̱ ta̱Juan? ―káchí na, káꞌa̱n táꞌan na. Káꞌa̱n táꞌan na saá chi yíꞌví na ko̱to̱ saa̱ nañoo, chi ndiꞌi nañoo kándixa na ndí ta̱Juan xi̱kuu ra ñii ta̱profeta.

San Juan 1:15

Ta ta̱Juan nda̱kuii̱n ra ñanda̱a̱ xa̱ꞌa̱ ta̱a yóꞌo ta̱ kúu To̱ꞌon Ndios, ta ni̱ka̱ꞌa̱n ra, káchí ra saá: ―Vará yi̱ꞌi̱ siꞌna ka̱ku i̱ no̱o̱ ta̱yóꞌo, ta ndixa ta̱a ta̱ káꞌno no̱o̱ yi̱ꞌi̱ kúu ra, chi o̱n ta̱ꞌán ka̱ kutaku̱ i̱ ti̱xin siꞌí i̱, ta xa táku̱ ta̱yóꞌo ―káchí ta̱Juan, ta̱a ta̱ sákuchu ni̱vi, xa̱ꞌa̱ Jesucristo, ta̱a ta̱ kúu To̱ꞌon Ndios.

San Juan 1:29

Ta saá ni̱ti̱vi inka̱ ki̱vi̱, ta ta̱Juan na̱koto ra va̱xi ta̱Jesús, ta ni̱ka̱ꞌa̱n ra xíꞌin ni̱vi, káchí ra saá: ―¡Koto ndó! Ta̱yóꞌo kúu ta̱a ta̱ ti̱ꞌví Ndios kivi̱ xa̱ꞌa̱ kua̱chi ni̱vi. Nda̱tán yóo ndikachi loꞌo tí sóko̱ ni̱vi no̱o̱ Ndios ña kasa káꞌno ini ra xa̱ꞌa̱ kua̱chi na, saá yóo ta̱yóꞌo.

San Juan 1:34

Ta vitin xa xi̱ni i̱ ñayóꞌo nda̱tán yóo ña ni̱ka̱ꞌa̱n Ndios xíꞌin i̱, ta saá káꞌa̱n i̱ ñanda̱a̱ xíꞌin ndó ndí ta̱Jesús yóꞌo kúu Sa̱ꞌya Ndios ―káchí ta̱Juan xíꞌin na.

San Juan 1:36

Ta xi̱ni ta̱Juan ni̱yaꞌa ta̱Jesús kua̱ꞌa̱n ra, ta ni̱ka̱ꞌa̱n ra xíꞌin naxíka xíꞌin ra, káchí ra saá: ―Koto ndó kaa̱, chi ta̱a ta̱ kua̱ꞌa̱n kaa̱, nda̱tán yóo ndikachi loꞌo tí sóko̱ ni̱vi no̱o̱ Ndios xa̱ꞌa̱ kua̱chi na, saá yóo ra ―káchí ta̱Juan.