San Marcos 11:28 - Alacatlatzala Mixtec New Testament28 ta ni̱nda̱ka̱ to̱ꞌon na ta̱Jesús: ―¿Míkía̱ ki̱xi nda̱yí kéꞌé ún ñayóꞌo? ¿Yu kúu na ta̱xi nda̱yí ndaꞌa̱ ún keꞌé ún chiño yóꞌo saá? ―káchí na xíꞌin ra. Δείτε το κεφάλαιο |
Ta nda̱kuii̱n ta̱Jesús: ―Ta yi̱ꞌi̱ kóni i̱ nda̱ka̱ to̱ꞌon i̱ ndóꞌó ñii la̱á to̱ꞌon. ¿Míkía̱ ki̱xi nda̱yí ta̱Juan sa̱kuchu ra ni̱vi? ¿Án ta̱xi Ndios nda̱yí ndaꞌa̱ ra? ¿Án ni̱vi kúu na ta̱xi nda̱yí ndaꞌa̱ ra ña sakuchu ra ni̱vi? Tá ndakuii̱n ndó ña ndáka̱ to̱ꞌon i̱ ndóꞌó, ta saá ka̱ꞌa̱n i̱ xíꞌin ndó míkía̱ ki̱xi nda̱yí kéꞌé i̱ chiño yóꞌo ―káchí ta̱Jesús xíꞌin na.
Ta saá ni̱ka̱ꞌa̱n ka̱ ta̱Esteban xíꞌin nachiño Junta Suprema, káchí ra saá xíꞌin na: ―¡Nda̱chun sóꞌó ní ndó!, ta xíká ní yóo ini ndó no̱o̱ Ndios, chi o̱n xi̱in ndó koni̱ so̱ꞌo ndó to̱ꞌon ra. Ta nda̱tán ke̱ꞌé naxi̱i̱ síkuá yó xi̱na̱ꞌá, ñii ki̱ꞌva saá kéꞌé ndó vitin, chi kísa toon ndó no̱o̱ Ndios. Ndiꞌi saá yichi̱ o̱n xi̱in ndó chikaa̱ so̱ꞌo ndó to̱ꞌon ña káꞌa̱n Níma̱ Ndios xíꞌin ndó.