San Lucas 9:62 - Alacatlatzala Mixtec New Testament

⁶² Ta saá nda̱kuii̱n ta̱Jesús, káchí ra: ―Tá yóo ñii ta̱ táꞌví no̱o̱ ñoꞌo̱, ta tiin ra xa̱ꞌa̱ ya̱ta̱, ta ndikó koo ra nakoto ra chí sa̱ta̱ ra, ta o̱n vása va̱ꞌa kasa chiño ra. Nda̱tán yóo ta̱yóꞌo, saá yóo ni̱vi na kíxáꞌá kua̱ꞌa̱n yichi̱ Ndios, ta o̱n xi̱in na sandakoo na yichi̱ yatá. Ta nayóꞌo o̱n vása va̱ꞌa kasa chiño na yichi̱ Ndios ―káchí ta̱Jesús xíꞌin ra.

San Lucas 9:62 Σταυροειδείς Αναφορές

Filipenses 3:13

Nañani yó xíꞌin náki̱ꞌva̱ yó, nda̱ loꞌo o̱n vása xáni si̱ni̱ i̱ ndí xa ku̱ndeé i̱ ndu̱u i̱ nda̱tán yóo Jesucristo. Ta ndixa ñii la̱á ñayóꞌo kéꞌé i̱; yi̱ꞌi̱ o̱n vása ka̱ xáni si̱ni̱ i̱ xa̱ꞌa̱ ndiꞌi ñayatá ña xa kúu ña ni̱yaꞌa, ta ndasaá kuiti chíkaa̱ i̱ ndee̱ xa̱ꞌa̱ ña kundeé i̱ nakiꞌin i̱ ñava̱ꞌa ña taxi Ndios ndaꞌa̱ i̱ ki̱vi̱ ña va̱xi.

2 Timoteo 4:10

Ta̱Demas sa̱ndakoo ra yi̱ꞌi̱, chi kíꞌvi ní ka̱ ini ra xíni ra ña yóo ñoyívi yóꞌo, ta kua̱ꞌa̱n ra ñoo Tesalónica. Ta ta̱Crescente kua̱ꞌa̱n ra ñii xiiña no̱o̱ ñoꞌo̱ Galacia, ta ta̱Tito, kua̱ꞌa̱n ra inka̱ xiiña no̱o̱ ñoꞌo̱ Dalmacia.

Hebreos 10:38

Ta ni̱vi na kúu nandii no̱o̱ i̱ chi kándixa na yi̱ꞌi̱, ni̱vi yóꞌo ndixa ndinoꞌo kutaku̱ na ndiꞌi saá ki̱vi̱ xíꞌin i̱, ta ni̱vi na sandakoo yichi̱ i̱, o̱n vása kusii̱ ini i̱ koni i̱ ni̱vi yóꞌo, ka̱chí Ndios no̱o̱ to̱ꞌon ra.