San Lucas 5:36 - Alacatlatzala Mixtec New Testament

³⁶ Ta saá nda̱to̱ꞌon ta̱Jesús o̱vi̱ cuento ña sanáꞌa ra na, káchí ra saá: ―Tá yóo ñii tiko̱to̱ ña yatá, ta nda̱ ñii ni̱vi o̱n kaꞌnda na tiko̱to̱ xa̱á ña sandaꞌa na no̱o̱ tiko̱to̱ yatá. Saá chi tiko̱to̱ ña xa̱á ndiꞌi xa̱ꞌa̱ ña, ta ñii ñáꞌño tiko̱to̱ xa̱á o̱n vása va̱ꞌa kunaꞌa ña ña nakutáꞌan ña xíꞌin ña yatá.

San Lucas 5:36 Σταυροειδείς Αναφορές

San Lucas 5:35

Ta ki̱vi̱ ña va̱xi, o̱n kóo ka̱ ra xíꞌin na. Ta saá kía̱ koo soꞌon na.

San Lucas 5:37

Ta nduta̱ vino xa̱á, ta nda̱ ñii ni̱vi o̱n vása taan na rá ini ñii̱ yatá. Saá chi ta̱ꞌnda̱ ñii̱ yóꞌo, ta kui̱ta̱ ndiꞌi tánduta̱ vino, ta ndiꞌi xa̱ꞌa̱ ñii̱.

2 Corintios 6:16

Ta veꞌe ño̱ꞌo ñaídolo o̱n kúchiño ñii koo ña xíꞌin veꞌe ño̱ꞌo Ndios ndinoꞌo. Ta mi̱i yó nda̱tán yóo veꞌe ño̱ꞌo Ndios ta̱táku̱, saá yóo yó, chi táku̱ Níma̱ Ndios ini yó. Ta ñii xiiña no̱o̱ to̱ꞌon Ndios ña ni̱taa na xi̱na̱ꞌá, Ndios ni̱ka̱ꞌa̱n ra xa̱ꞌa̱ ni̱vi na na̱ka̱xin ra kuu nañoo ra, ka̱chí ra saá: Yi̱ꞌi̱ koo i̱ xíꞌin na ta kutaku̱ i̱ xíꞌin na; ta kuu i̱ Ndios mi̱i na, ta ni̱vi yóꞌo kuu na nañoo mi̱i i̱, saá ka̱chí Ndios.