Hechos 27:32 - Alacatlatzala Mixtec New Testament

³² Ta natropa chi̱kaa̱ so̱ꞌo na to̱ꞌon yóꞌo, ta xa̱ꞌnda na yoꞌo̱ ña nóꞌni tón barco loꞌo, ta ni̱sa̱ña̱ nó, kua̱ꞌa̱n mi̱i nó no̱o̱ takuií mi̱ni.

Hechos 27:32 Σταυροειδείς Αναφορές

San Lucas 16:8

Tá xi̱ni̱ so̱ꞌo ta̱kuíká yukía̱ ke̱ꞌé ta̱ ndíso chiño yóꞌo, ta ni̱ka̱ꞌa̱n ta̱kuíká yóꞌo xíꞌin ra: “Ta̱a ta̱ ndíchí ní si̱ni̱ kúu ún, chi xíni̱ va̱ꞌa ún ndasaá kasa ndivi ún ña keta va̱ꞌa xíꞌin mi̱i ún”, káchí ra. Saá ndi̱ꞌi cuento loꞌo yóꞌo ―káchí ta̱Jesús. Ta tuku ni̱ka̱ꞌa̱n ra: ―Cuento yóꞌo káchí ña ndí nandíchí ní kúu ni̱vi na ndíko̱n yichi̱ o̱n váꞌa ñoyívi yóꞌo, chi xíni̱ va̱ꞌa na ndasaá kasa ndivi na xíꞌin natáꞌan na ña keta va̱ꞌa xíꞌin mi̱i na. Ta ni̱vi na ndíko̱n yichi̱ Ndios loꞌo kuiti xíni̱ na ndasaá kasa ndivi na xíꞌin natáꞌan na, ña keta va̱ꞌa xíꞌin mi̱i na no̱o̱ Ndios.

San Juan 2:15

Tá ta̱Jesús xi̱ni ra nayóꞌo, ta ki̱ꞌin ra ñii tu̱chu káni̱, ta ki̱sa va̱ꞌa ra ñii kuártá xíꞌin tu̱chu yóꞌo. Ta xíꞌin kuártá yóꞌo ki̱xáꞌá ra táva ra ndiꞌi ni̱vi na síkó yóꞌo, ta saá kama ke̱e ndiꞌi na kua̱ꞌa̱n na xíꞌin tíndikachi ta xíꞌin tísi̱ndi̱ki̱ síkó na. Ta ta̱Jesús sa̱ndiva ra mesa ni̱vi na sáma si̱ꞌún, ta ni̱xi̱ta̱ níꞌnó ndiꞌi si̱ꞌún na.

Hechos 27:31

Ta ta̱Pablo ku̱nda̱a̱ ini ra yu kúu ña kóni nata̱a yóꞌo keꞌé na, ta saá ke̱e ra kua̱ꞌa̱n ra no̱o̱ yóo ta̱a ta̱ ndíso chiño ta no̱o̱ yóo natropa ra xíꞌin ra. Ta ni̱xaa̱ ra, ta ni̱ka̱ꞌa̱n ra, káchí ra saá xíꞌin na: ―Ndiꞌi mi̱i yó xíni̱ ñóꞌó kindo̱o ka̱ yó ini tón barco káꞌno yóꞌo, ta saá va̱ꞌa ka̱ku ndiꞌi yó. Táná sava yó kee yó ko̱ꞌo̱n yó ta sandakoo yó tón barco yóꞌo, ta saá o̱n kuchiño ka̱ku ndiꞌi yó ―káchí ta̱Pablo xíꞌin na.

Hechos 27:33

Ta xa yatin ní ña ti̱vi inka̱ ki̱vi̱ kúu ña, ta ta̱Pablo ni̱ka̱ꞌa̱n ra ndu̱kú ra no̱o̱ ndiꞌi ni̱vi na ñóꞌo ini tón barco xíꞌin ra, káchí ra saá: ―Ta vitin xa ni̱yaꞌa u̱xu̱ ko̱mi̱ ki̱vi̱ ta nda̱ loꞌo o̱n vása xíxi ndó.