Hechos 10:20 - Alacatlatzala Mixtec New Testament

²⁰ Nakundichi ún ta noo ún nakutáꞌan ún xíꞌin na, ta nda̱ loꞌo o̱n kuyi̱ꞌví ún ko̱ꞌo̱n ún xíꞌin na, chi yi̱ꞌi̱ ti̱ꞌví i̱ na va̱xi na no̱o̱ ún ―káchí Níma̱ Ndios xíꞌin ta̱Pedro.

Hechos 10:20 Σταυροειδείς Αναφορές

San Marcos 16:15

Ta saá ni̱ka̱ꞌa̱n ra xíꞌin na: ―Kua̱ꞌa̱n ndó ndiꞌi saá xiiña ñoyívi yóꞌo ta ka̱ꞌa̱n ndoso ndó to̱ꞌon ñava̱ꞌa xa̱ꞌa̱ i̱ no̱o̱ ni̱vi.

Hechos 10:21

Ta saá no̱o ta̱Pedro ta na̱kutáꞌan ra xíꞌin na, ta ni̱ka̱ꞌa̱n ra xíꞌin na, káchí ra saá: ―Yi̱ꞌi̱ kúu ta̱a ta̱ nándukú ndó. ¿Ndá chiño kúu ña va̱xi ndó no̱o̱ i̱, tata? ―káchí ta̱Pedro xíꞌin na.

Hechos 11:12

Ta ni̱ka̱ꞌa̱n Níma̱ Ndios xíꞌin i̱: “Nda̱ loꞌo o̱n kuyi̱ꞌví ún ko̱ꞌo̱n ún xíꞌin nata̱a yóꞌo”, ka̱chí Níma̱ Ndios xíꞌin i̱. Ta i̱ño̱ nata̱a nañoo Jope na kúu na ndíko̱n yichi̱ ta̱Jesús, ni̱xa̱ꞌa̱n na xíꞌin i̱ ñoo Cesarea veꞌe ñii ta̱a ta̱ na̱ní Cornelio.

Hechos 13:4

Ta Níma̱ Ndios kúu ña níꞌi yichi̱ na ña kua̱ꞌa̱n na kasa ndivi na chiño Ndios. Ta saá ta̱Saulo xíꞌin ta̱Bernabé ke̱e na kua̱ꞌa̱n na ta ni̱xaa̱ na ñoo Seleucia, ta nda̱a na ñii tón barco, ta kua̱ꞌa̱n na ta ni̱xaa̱ na ñoo ña na̱ní Salamina. Ñoo yóꞌo nákaa̱ ña no̱o̱ ñoꞌo̱ ña kúu isla Chipre.

Hechos 8:26

Ñii ki̱vi̱ ñii ñaángel ña ki̱xi no̱o̱ Ndios ni̱xaa̱ ña, ni̱ka̱ꞌa̱n ña xíꞌin ta̱Felipe, káchí ña saá: ―Nakundichi ún, ta ko̱ꞌo̱n ún chí sur, ta ko̱ꞌo̱n ún yichi̱ ña yáꞌa no̱o̱ ñoꞌo̱ yi̱chí, ña kúu yichi̱ ña kée ñoo Jerusalén ta kua̱ꞌa̱n ña nda̱ ñoo Gaza ―káchí ñaángel xíꞌin ta̱Felipe.

Hechos 9:15

Ta ni̱ka̱ꞌa̱n ta̱Jesús xíꞌin ra: ―Kua̱ꞌa̱n ún koto ún ta̱Saulo, chi ta̱yóꞌo kúu ta̱a ta̱ na̱ka̱xin i̱ ña koni̱ ñóꞌó i̱ ña ko̱ꞌo̱n ra ka̱ꞌa̱n ndoso ra to̱ꞌon xa̱ꞌa̱ i̱ no̱o̱ ni̱vi na o̱n vása kúu najudío, ta ko̱ꞌo̱n ra no̱o̱ ni̱vi na kúu narey ñoo xíyo, ta ko̱ꞌo̱n ra no̱o̱ najudío ña ndato̱ꞌon ra xíꞌin na xa̱ꞌa̱ i̱.

Hechos 9:17

Ta saá ke̱e ta̱Ananías kua̱ꞌa̱n ra ta ni̱xaa̱ ra veꞌe no̱o̱ yóo ta̱Saulo, ta ni̱ki̱ꞌvi ra ini veꞌe yóꞌo. Tá xi̱ni ra ta̱Saulo, ta chi̱so ra ndaꞌa̱ ra si̱ni̱ ra, ta ni̱ka̱ꞌa̱n ra xíꞌin ra, káchí ra saá: ―Ñani i̱ Saulo, ta̱Jesús, Ta̱a ta̱Káꞌno no̱o̱ yó, kúu ta̱a ta̱ na̱kutáꞌan xíꞌin ún yichi̱, ta mi̱i ta̱Jesús yóꞌo ti̱ꞌví ra yi̱ꞌi̱ va̱xi i̱ xa̱ꞌa̱ ña va̱ꞌa nakoto tuku nduchu̱ no̱o̱ ún, ta ti̱ꞌví ra yi̱ꞌi̱ xa̱ꞌa̱ ña sakutú ra ini ún xíꞌin Níma̱ Ndios ―káchí ta̱Ananías xíꞌin ta̱Saulo.

Santiago 1:6

Ta ki̱vi̱ ndúkú yó ñandíchí no̱o̱ Ndios, ta xíni̱ ñóꞌó kandixa ndinoꞌo ini yó ndí ndixa taxi ra ña xíni̱ ñóꞌó yó ndaꞌa̱ yó. Ta o̱n váꞌa kaka o̱vi̱ ini yó, chi nda̱tán yóo takuií tá kánda xíno no̱o̱ mi̱ni, ta kua̱ꞌa̱n rá yóꞌo ta kua̱ꞌa̱n rá kaa̱, ke̱ꞌé ta̱chi̱ xíꞌin rá, saá yóo ni̱vi na xíka o̱vi̱ ini.