2 Corintios 10:17 - Alacatlatzala Mixtec New Testament

¹⁷ Chi to̱ꞌon Ndios ña ni̱taa na xi̱na̱ꞌá káchí ña saá: “O̱n váꞌa kasa káꞌno ni̱vi xíꞌin mi̱i na xa̱ꞌa̱ ñava̱ꞌa kísa ndivi na, ta va̱ꞌa ka̱ nayóꞌo ná kasa káꞌno ní na ñava̱ꞌa kísa ndivi Ndios”, káchí to̱ꞌon Ndios.

2 Corintios 10:17 Σταυροειδείς Αναφορές

Romanos 5:11

Ta o̱n si̱ví ndasaá kuiti ñayóꞌo kúu ña táxi kusii̱ ini yó. Ta kúsii̱ ini yó ta kísa káꞌno yó Ndios chi Jesucristo, Ta̱a ta̱Káꞌno no̱o̱ yó, xa ki̱sa ndivi ra chiño ña ta̱xi va̱ꞌa nákutáꞌan yó xíꞌin Ndios, ta vitin vivíi yóo yó xíꞌin ra.

1 Corintios 1:29

Ña̱kán kía̱ o̱n ko̱ó nda̱ ñii ni̱vi na kúchiño kasa káꞌno xíꞌin mi̱i no̱o̱ Ndios.

1 Corintios 1:31

To̱ꞌon yóꞌo ñii yóo yuꞌú ña xíꞌin to̱ꞌon Ndios ña ni̱taa na xi̱na̱ꞌá, ña káchí saá: “O̱n váꞌa kasa káꞌno ni̱vi xíꞌin mi̱i na. Ta va̱ꞌa kasa káꞌno ni̱vi Ndios xa̱ꞌa̱ ñava̱ꞌa kéꞌé ra xíꞌin na”, saá káchí to̱ꞌon Ndios ña ni̱taa na xi̱na̱ꞌá.

Filipenses 3:3

Ta o̱n si̱ví ñanda̱a̱ kúu ña káꞌa̱n na. Saá chi mi̱i yó, ni̱vi na kísa káꞌno Ndios xíꞌin ndee̱ Níma̱ ra ña táku̱ ini yó kúu yó ni̱vi na ndixa va̱ꞌa yóo xíꞌin Ndios. Ta kúsii̱ ní ini yó chi ndáa ini yó ndí Ndios xa sa̱ka̱ku ra mi̱i yó xa̱ꞌa̱ ña kándixa yó Jesucristo, ta nda̱ loꞌo o̱n vása ndáa ini yó ndí ña kasa ndivi yó costumbre circuncisión án ña kasa ndivi yó inka̱ chiño va̱ꞌa, kómí ña ndee̱ ña taxi ña Ndios saka̱ku ra mi̱i yó ta sanduu ra yó ni̱vi na va̱ꞌa yóo xíꞌin ra.