Kòlosè 1:3 - Meta’

³ Tɨ̀ wɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo. Tɨ̀ wɨə naʼ ənɨ mɨ̀nyùmə̀ jìm mbe nɨ tɨə kɔ̀ŋgɨ̀ ə Ŋwiə̀ ɨmbə̀ʼ əwən.

Ikan feg

³ Mà nyumə̀ ijìm ne te chàʼrà Ŋwiye ne yaʼi Mbaʼ abə ìwa Anɔŋisəg Yeso Kristo imbə̀ʼ awən, tì ya nàʼà məyakà ibo.

Kòlosè 1:3 Σταυροειδείς Αναφορές

Rm 15:6

ɨmbə̀ʼ mbə mbe tɨ mbə̀ fɔtɨ gɨ̂ yiirɨ ə Ŋwiə̀ Mbǎʼ a Ə̀nùŋɨ̀sɨg Yeso Kristo.

1 Kɔrèn 1:4

Mə wɨə nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ɨ̀chɔ̀m we nɨ wɨ̀ che ənjìm ə Kristo Yeso ghɨ̀ ənɨ ə nən.

2 Kɔrèn 1:3

Tɨ̀ yiirɨ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo. Məd yɨə Mbǎʼ nɨə dììrɨ̀ə̀ bə̂d. Məd yɨə bə̀ ə Ŋwìə̀ we nɨə nəərɨə bə̂d ənɨ mɨ̀nyùmə̀ jìm.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Tèsàlonikà 1:2

Tɨ̀ wɨə nàʼə̀ məben-əwe əmbɨ ə Ŋwiə̀ ɨmbə̀ʼ mbə̀n mɨjìm. Tɨ̀ wɨə ghɨ̀ əne ənɨ mɨ̀nyùmə̀ jìm mbe nɨ tɨə kɔ̀ŋgɨ̀ ə Ŋwiə̀ kɔndɨ əwən.

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.