Kòlosè 1:18 - Meta’

¹⁸ Məd yɨ ətu rɨ ənɨ nyamnyod məd, əne yɨ ɨfetɨ bə̂d Kristo. Məd yɨ ɨkɔ rɨ ənɨ ɨfetɨ we. Məd yɨə bə ə wan-fə̀d nɨ zwemə tɨ ənɨ ɨvɨ. Əne yɨ ni məd yɨ ə̀chèmbì ənɨ ɨghɨjìm.

Ikan feg

¹⁸ Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

Kòlosè 1:18 Σταυροειδείς Αναφορές

Matìyò 23:8

Tɨ mbə̀ ben ə ni bə̂d tɔŋ əwən ni 'Əchwiə̀-ɨnû', ɨmbə̀ʼ ɨghəm nɨ mbə̀n mɨjìm yɨə bɔŋgɔb, əne mbə̀ berɨ àmei Əchwiə̀-ɨnû mɔʼ.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Jn 1:1

Bɔŋ Ŋwìə̀ nyaʼa sɨə tekɨ ɨsɨg, məd we nɨ mbɨə tɔŋ ənɨ Ɨŋgam nyaʼa fə sɨ i əŋgu. Ɨŋgam we wɨə nyaʼa mbɨ ə Ŋwiə̀. Ɨŋgam we yɨə nyaʼə Ŋwiə̀.

Jn 1:16

Ɨ̀chɔ̀m ə swi ɨgwɨ məd, əne ɨ wɨə ghɨ̀ ni tɨ̀ jɨg ɨ̀chɔ̀m we. Ɨ wɨ̀ rəbə naʼ i əbɔrəbɔd naʼ ɨ na ɨghəm jìm.

Jn 1:27

Məd wɨə yeʼe ənɨ mɨ njìm, àyɨə chəi mə̀ kuʼ nɨ tɨ̀ mə̀ za mɨniʼ ɨtabɨ məd.”

Ɨ̀fàʼì 26:23

Mbɨ nyaʼa ghà ni Wə̀d we nɨ Ŋwìə̀ zɔʼɔ berɨ zə ŋgəʼ. Mbɨ nyaʼa bə̀ ghà ni ɨchî nɨ məd yɨ wɨ rɨtu nɨ zwemə, wɨ̀ bɨrɨ gha ɨnû ɨmbə̀ʼ ɨzeŋɨ zeŋɨ əmbɨ mɨ̀Jû bə̀ ghà əmbɨ bə̂d nɨ kaʼi mɨ̀Jû.”

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Kɔrèn 12:27

Tɨ̀nîn, mbə̀ yɨə nyamnyod Kristo, əne wə̀d mɔʼ mɔʼ rəbɔʼ nən yɨ əba rɨ ənɨ ə nyamnyod ze.

1 Kɔrèn 15:25

Kristo berɨ tumbɨ ɨsɨg pè ənɨ wɨ̀ fə nuŋ mbi bə̂d pə̀n mɨjìm əton mbi ɨwu.

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Efesùs 5:23

ɨmbə̀ʼ ɨghəm nɨ ɨnom yɨ ətu ɨgwɨ i wi, ɨchî nɨ Kristo yeʼ ətu ɨgwɨ ɨfetɨ bə̂d Kristo. Ɨfetɨ we yɨə nyamnyod məd nɨ wɨ̀ chɨ rəŋgəʼ.

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 2:19

Chəi mɨ̀mə̌d ə wɨrɨə beenɨ əbɔʼ Kristo we nɨ yeʼ ətu rɨ ənɨ ə nyamnyod mɨ̀mə̌d. Nyamnyod ze yɨ ɨfetɨ bə̂d Kristo. À yɨə Kristo ə jəə nyamnyod ze. À yɨə məd ə fɔtɨ ɨsɨ ɨnyod mbe nɨ gumə, bə̀ fɔtɨ rɨnye tɨ kwiə ɨchî nɨ Ŋwiə̀ kəbɨ.

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 21:6

Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨnû 22:13

Mɔ̌ yɨə Alfà mbɨ ə Omegà. Mɔ̌ yɨ wɨ rɨtu bə̀ yeʼ we nɨ sɨ nwìə̀. Mɔ̌ yɨ ɨkɔ bə̀ yeʼ ɨnwǐ.”

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.