Jn 8:54 - Meta’

⁵⁴ Yeso nyaʼa wììrɨ̀ ni, “Mə mɨ kəb wumnɨ mɨ ɨnyod, njɨ ɨwumnɨ yɨ əghɨ əko. À yɨ mɨ Mbǎʼ we nɨ mbən ə ghàə̀ ni məd yɨ ə Ŋwìə̀ ə ghɨ̀ ni bə̂d wumnɨ əmɨ.

Ikan feg

⁵⁴ Yeso ya ywìtì gha, “Mo mə̀ ya ghùmnə yaʼ ìmə nyɔd, ighumni ya ati ako. Ìmə Mbaʼ ne mbə̰ mbe ghà gha à ya ìwən Ŋwiye, à ya məd we ghìyə̀ gha bəd ghumni amə.

Jn 8:54 Σταυροειδείς Αναφορές

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Jn 2:11

Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Jn 5:41

“Chəi mə̀ be kəb ni bə̂d yiirɨ əmɨ.

Jn 7:18

Wə̀d we nɨə ghà ɨnû ənɨ i ɨka wɨə kə̀bə̀ ni bə̂d wumnɨ əməd. Àyɨə we nɨə kə̀bə̀ ni bə̂d wumnɨ wə̀d we nɨ tom əməd wɨə ghàə̀ rəsìʼ. Kaʼ məd yɨ i wə̀d mɨghab.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Jn 8:41

Mbə mbɨə ghɨ̀ àmei ɨnû mbe nɨ ə mbǎʼ ə ghɨ̀ə̀.” Mbɨ nyaʼa wììrɨ̀ ni, “Kaʼ tɨ̀ yɨ a bɔn nɨ mbɨ gywɨ əba ə nəb. A mbǎʼ yɨə Ŋwìə̀ ziə.”

Jn 8:50

Chəi mə̀ kəb ni bə̂d wumnɨ əmɨ. Àyɨə wə̀d mɔʼɔ wɨ əŋgu nɨə kə̀b ghɨ ni bə̂d wumnɨ əmɨ. À yɨə məd bɨrɨ sob mɨ ɨsaʼi.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

2 Kɔrèn 10:18

Chəi Ə̀nùŋɨ̀sɨg ben wə̀d we nɨ gha ni tə fàʼ chè bə̂d cherə. Ɨ wɨə benɨ yeʼ we nɨ məd ziə ghà ni wɨ̀ fə fàʼ ɨchî chɔ̀m.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”