Gàlesìyà 1:5 - Meta’

⁵ Tɨ̀ wumnɨ Ŋwiə̀ koŋ koŋ. À yɨ əne.

Ikan feg

⁵ Tì ghumni Ŋwiye kwàʼ ane ighə̀m imɔʼ. À ya ane.

Gàlesìyà 1:5 Σταυροειδείς Αναφορές

Rm 11:36

À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

Ɨnû 14:7

Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

Ɨnû 7:12

ghàə̀ ni, “À yɨ əne! Tɨ̀ yiirɨ à Ŋwìə̀, wumnɨ əməd, nàʼ məben-əwe ɨ bɔ, məd ə zeŋ, ɨ wɨə nàʼ əbɔrəbɔd, wɨ̀ berɨ ɨwe bə̀ berɨ ɨka koŋ koŋ! À yɨ əne.”

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.

1 Pità 5:11

Məd tumbɨ ɨsɨg koŋ koŋ. À yɨ əne.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

Fìlipì 4:20

Bə̂d wumnɨ Ŋwìə̀ a Mbǎʼ koŋ koŋ. À yɨ əne.

Efesùs 1:12

Wɨ̀ nyaʼa ghɨ̀ əne ɨmbə̀ʼ mbà mbe nɨ tɨ̀ nyaʼa bə̂d rɨtu nɨ nùŋ ɨkɔndɨ ɨgun ə Kristo yiirɨ ə Ŋwiə̀.

Rm 16:27

Mbə̀ naʼ ɨwumnɨ we nɨ ten i koŋ, ənjìm ə Yeso Kristo, əmbɨ ə Ŋwìə̀ we mɔʼ nɨ berɨ ɨwe! À yɨ əne.

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

1 Kɔrèn 8:13

Əne, əghɨ ze nɨ mə̀ jɨg ə mɨ ghɨ̀ ni wum aŋgɔb gu ənû, chəi mə̀ bɨrɨ nɔ wɨrɨ kud nyam, ɨmbə̀ʼ tɨ wum aŋgɔb gu i.