Mey-maaya-mawiya masa Luk ma wuzlala 1:78 - Mofu-Gudur

⁷⁸ A da ləhdata na, maja aŋga na, maaya kalah, asaya, a sərey dey-ceceh kalah fa ndəhay. Fa slərndakwar meweɗey da vaɗ anda pas,

Mey-maaya-mawiya masa Luk ma wuzlala 1:78 Σταυροειδείς Αναφορές

Mey-maaya-mawiya masa Jaŋ ma wuzlala 3:16

Yaw, Gazlavay a wuɗta ndəhay da bəla kalah, haa a slərdərwa Bəzey aŋga menduleŋ amba kwa waawa ma pa ŋga ndaw aŋga fara fara na, aa zəɗey ba, ama a hətey heter mendəvey ba.

Ef 5:14

Anda meləvey, daa slam-meweɗey na, cek malamba a hətey maaya maaya. Ara maja ŋgene mey daha fa ləvey: «Kah, ndaw masa manakaya, Sləkɗey daa ɗar. Kah, ndaw masa maməckaya, Sləkɗawa daa meməcey a. Amba meweɗey ŋga Kəriste a sawa a ray akah.»

Leeter masa Pawl ma wuzlalatara a Fəlepi hay 1:8

Ahaw, ya fa wuɗkwar tabiya ta mewuɗey-vaw ma sawa ta fa Yesu Kəriste. Gazlavay a səra, mey aɗaw keɗe ara mey masa fara fara.

Leeter masa Pawl ma wuzlalatara a Fəlepi hay 2:1

Akwar macəmkaya ta *Kəriste keɗe na, fa vəlkwar gədaŋ, ba diya? Mewuɗey-vaw aŋga fa vəlkwar gədaŋ, ba diya? Akwar macəmkaya ta *Mesəfney ŋga Gazlavay, ba diya? Akwar fa səram dey-ceceh fa ndəhay, ba diya?

Leeter masa Pawl ma wuzlalatara a Kwalaws hay 3:12

Gazlavay a walakwar, a tərdakwar ndəhay aŋga hay. Aŋga fa wuɗkwar. Da ray ŋgene, daa menjey akwar cəpa na, səram dey-ceceh fa ndəhay, njam ta mevel maaya, kam sləra ta meney ray, təram ndəhay meekweɗ-mey, ka da cam mevel saw saw ba.

2 Piyer 1:19

Ala ma cəndamara ɗay a ŋgene na, ta vəlndar gədaŋ la saya ŋga təɓey mey ŋga ndəhay ma təla mey ŋga Gazlavay ma kadamara zleezle. Maaya na, ka pam leŋgesl fa mey ata ha maja mey a na, aŋga anda petərla ma weɗey daa slam-ləvaŋ haa slam ma wurey, haa batay ma bawa. Fa dəɓa ha, ka da hətmatar cek hay tabiya maaya maaya.

Leeter masa Jaŋ ma wuzlala ŋgeeme 3:17

Da ndaw cek aŋga daha, a hətar məlmaha cek aŋga daa ba, ama a sərfar dey-ceceh ba, a vəlar cek ba na, a da wuɗa Gazlavay na, kwara?

Cek masa Yesu Kəriste ma wuzar a Jaŋ 22:16

«Yah, Yesu, ya ta slərdərwa maslaŋ aɗaw la ŋga wuzdatara mey a keɗe ŋgada ndəhay daa mecəmey-ray hay ŋga ndəhay aɗaw hay. Yah na, ndaw ma yawa daa səkway ŋga Bay *Davit. Yah, batay ma weɗey njuzl a ta slam ŋgaa pərek.»