Mey-maaya-mawiya masa Luk ma wuzlala 1:74 - Mofu-Gudur

⁷⁴ a ləhdandakwar la dasi har ŋga masa-gəra aləkwa hay, amba ya kakwa sləra ŋgada Gazlavay ta mandərzay ba,

Mey-maaya-mawiya masa Luk ma wuzlala 1:74 Σταυροειδείς Αναφορές

Mey-maaya-mawiya masa Luk ma wuzlala 1:71

Ta ləvndakwar la, a da ləhdandakwar dasi har ŋga masa-gəra aləkwa hay, leŋ dasi har ŋga ndəhay ma wuɗam ŋga hətmandakwar fa dey ba.

Mey-maaya-mawiya masa Luk ma wuzlala 1:73

Daa mejəwey-mey a na, Gazlavay taa guzlar la a *Abəraham papaŋ ŋga papa aləkwa zleezle, a ləvar,

Mey-maaya-mawiya masa Luk ma wuzlala 1:75

amba ya tərkwa ndəhay maaya fa Gazlavay, ndəhay ma ka sləra ta cəveɗ e, haa kasl fa meməcey aləkwa.

Rm 6:22

Wure keɗe na, Gazlavay ta pəskakwar sem daa beke ŋga mebərey. Anda keɗe, akwar ndəhay ma ka sləra ŋga Gazlavay. Cek maaya masa akwar ma hətam na, ara menjey akwar maaya ma mbafar a Gazlavay. Asaya, menjey akwar a, a da vəlkwar heter mendəvey ba ŋga sərmataw.

Rm 8:15

Mesəfney masa akwar ma təɓmara ŋga wey da ray akwar a na, fa da tərdakwar ŋga beke hay daa ba, akwar fa da njam ta mandərzay daa dey daa saba. Ama Mesəfney ŋga Gazlavay a, a da tərdakwar ŋga bəza hay ŋga Gazlavay, a da jənndakwar ŋga zəla Gazlavay a: «Aba», anda meləvey, «Papay.»

Leeter masa Pawl ma wuzlala ŋga dey cew a Timawte 1:7

Fara fara, Mesəfney masa Gazlavay ma vəldandakwara na, ara Mesəfney ŋga key sləra ta mandərzay daa dey ba. Mesəfney aŋga ha, a vəlndakwar gədaŋ, a jənndakwar ŋga wuɗey vaw, a pandakwar leŋgesl ŋga wey vaw.

Leeter ŋgada Hebəre hay 2:15

Ndəhay da bəla keɗe na, ata anda beke hay daa menjey ata tabiya maja fa zluram ta meməcey. Ara maja ŋgene, Yesu a məcey na, amba a pəskatərwa ndəhay daa beke he, a zluram ta meməcey saba.

Leeter ŋgada Hebəre hay 9:14

Da anda keɗe na, mambaz ŋga Kəriste na, a fəna cek masa ata ma kamara ŋgene ba daw? Mambaz aŋga na, a fəna mambaz ŋga gənaw hay ba daw? Kəriste na, kwa ta key mebərey daa ba, ta vəlda ray aŋga la a Gazlavay ta gədaŋ ŋga *Mesəfney ŋga Gazlavay masa mendəvey ba ŋga sərmataw. Mambaz aŋga na, a pərndakwara mevel amba ya kakwa cek malamba ŋga handandakwar aa meməcey saba. Anda keɗe, ya da kakwa sləra ŋga Gazlavay, ndaw masa aŋga daha ta dey ŋga sərmataw.

Cek masa Yesu Kəriste ma wuzar a Jaŋ 2:10

Menjey nekəɗey feɗe ka da səram banay, ama ka da zluram ta banay a ba. Nəkmara, Sataŋ, bay-malula, a da kəzlata ndəhay siya da wuzlah akwar aa fərsəne, amba a jadakwar. Da ray ŋgene, ka səram banay la haa ɗar kuraw. Njam majaratakaya maaya maaya haa kasl fa meməcey akwar, anda keɗe, ya vəlkwar heter mendəvey ba la maja akwar ta kam bay-gula sem.