Mey-maaya-mawiya masa Jaŋ ma wuzlala 11:14 - Mofu-Gudur

¹⁴ Ta’, Yesu a kadatara mabara ŋga mey a dəɓa, a ləvtar: «Lazar ta məcey sem.

Mey-maaya-mawiya masa Jaŋ ma wuzlala 11:14 Σταυροειδείς Αναφορές

Mark 8:32

A wuzdatara mey a keɗe, ɓa’ a palah ta ɓada daa ba. Da ray ŋgene, *Piyer ta’, a zəla ta cakay, a mbəɗar ray.

Mey-maaya-mawiya masa Jaŋ ma wuzlala 10:24

Feteɗe, Jəwif hay a zlərmar ray, a ləvmar: «Ka fa həɓndar ray kalah kaa na, haa ta vara? Da kah *Kəriste, *ndaw masa Gazlavay ma wala ŋga ləhdata ndəhay heyey na, kadandara la fara fara gway taw!»

Mey-maaya-mawiya masa Jaŋ ma wuzlala 11:13

Fara fara, Yesu a wuɗey ŋga ləvtar na, Lazar ta məcey sem, ama gula aŋga hay a, a cəndamara na, anda ara ɗar fara gway.

Mey-maaya-mawiya masa Jaŋ ma wuzlala 11:15

Ya faa səmey maja yah ma daw fa Lazar a daa ba araŋ. Wure keɗe amba ka təɓmara mey aɗaw na, nakwa la fa vəɗa.»

Mey-maaya-mawiya masa Jaŋ ma wuzlala 16:25

Yesu aa guzltar a gula aŋga hay saya, a ləvtar: «Yah maa guzlkwar tabiya na, ta mey-meŋgey. Yaw, pas a, a wuswa la masa yah ma daa guzlkwar ta mey-meŋgey saba, ya da kadakwara mabara ŋga mey da ray Papay.

Mey-maaya-mawiya masa Jaŋ ma wuzlala 16:29

Gula aŋga hay a mbəɗdamara, a ləvmar: «Nəka, wure keɗe, ka fa wuzdərwa mey a maaya maaya, ka faa guzley ta mey-meŋgey daa saba.