Leeter masa Pawl ma wuzlalatara a Kwalaws hay 2:15 - Mofu-Gudur

¹⁵ Maja meməcey aŋga ha na, Gazlavay ta təɓa gədaŋ da har kuley hay ta da har madərlam hay ŋga bay-malula sem. Ta key bay-gula la da ray ata. Ta wuzda la fa mey ŋga ndəhay tabiya a fənta ta gədaŋ.

Leeter masa Pawl ma wuzlalatara a Kwalaws hay 2:15 Σταυροειδείς Αναφορές

Matiye 12:29

«Yaw, kwa ndaw-mayal ma gwa ŋga mbəzey a way ndaw masa-gədaŋ amba a lalatərwa cek aŋga hay meedey aŋga na, daa ba. Si ndaw-mayal a, a key gədaŋ teeseɗ, a jəwa ndaw masa-gədaŋ a ɗagay. Fa dəɓa ha, a gwa a həltərwa cek hay da way a.

Mey-maaya-mawiya masa Luk ma wuzlala 10:18

Yesu a mbəɗdatara, a ləvtar: «Yah, ya ta hətar *Sataŋ la fa təɗwa anda mezəmey ŋga var ma kawa da vaɗ ŋgada hwayak.

Mey-maaya-mawiya masa Luk ma wuzlala 11:22

Ama da ndaw mekele ma fəna ta gədaŋ a sawa, a kərza ndaw aha, a pərslara cek mekey vəram aŋga hay tabiya masa aŋga ma jəɗa zleley aŋga ta aŋga. A həlra zleley aŋga tabiya, a wunkatara a ndəhay aŋga hay.

Mey-maaya-mawiya masa Jaŋ ma wuzlala 16:11

A da sərmara sariya masa Gazlavay ma ka na, maja Gazlavay ta kar sariya cay a bay-malula, ndaw ma wa bəla keɗe.

Mey-maaya-mawiya masa Jaŋ ma wuzlala 19:30

Yesu maa səɓa yam ŋga babəza ŋga wudez meekwerek e heyey cay na, ta’, aa guzley, a ləvey: «Sləra aɗaw tabiya, ta ndəvey cay.» Fa dəɓa ha, a jəkwda ray, pam! a məcey.

1 Kwarinti hay 15:24

Fa dəɓa ha, bəla a ndəvey la. Kəriste a daa zəɗdata mesəfney hay maaya ba hay ta gədaŋ ŋga bay ata hay tabiya. A da key bay-gula da ray bay hay ma wam da bəla. Fa dəɓa ha, a da vəldara bay aŋga a Gazlavay Papaŋ aa slam a.

2 Kwarinti hay 2:14

Ama ta ŋgene he cəpa na, həlmakwa Gazlavay. Ara aŋga ma njadandakwar macəmkaya ta Kəriste. A ləgdandar a wuzlah ndəhay aŋga hay ŋga wuzdatara a ndəhay, Kəriste na, fa key bay-gula da ray masa-gəra aŋga hay. Fa slərdandar aa wura aa wura ŋga wuzey mey da ray Yesu Kəriste amba ndəhay a sərmara Yesu a. Mesərey Yesu na, aŋga anda cek mezey maaya, ma zey aa wura aa wura cəpa.

2 Kwarinti hay 4:4

Ndəhay a, a cəndamara Mey-maaya-mawiya ba na, maja *Sataŋ, bay-malula, ma wa bəla keɗe, a tərdata ndəhay a ŋga ndəhay manjar leŋgesl, a njam daa ləvaŋ. Anda keɗe, ndəhay a fa da hətmar meweɗey ŋga Mey-maaya-mawiya daa ba. Meweɗey a na, fa wuzdərwa gədaŋ ŋga *Kəriste. Kəriste he na, a lawa Gazlavay kəraɗ!

Ef 3:10

Ama wure keɗe ta wuzdərwa sem ta fa ndəhay daa *mecəmey-ray ŋga ndəhay ŋga Yesu. A wuzdərwa ta fa ata na, amba maslaŋ aŋga hay da vaɗ ta *bay-ray ata hay a sərmara leŋgesl maaya ŋga Gazlavay ma sərey cek hay mekele mekele cəpa.

Ef 4:8

Ara maja ŋgene, mawuzlalakaya daa ɗerewel ŋga Gazlavay, a ləvey: «Daa masa aŋga ma təpey a vaɗ na, Ta handata masa-gəra aŋga hay masa aa ma kərzatərwa daa vəram la. Fa dəɓa ha, ta’, a vəley cek hay mekele mekele a ndəhay.»

Ef 6:12

Ya da kakwa vəram na, ta ndəhay magədaŋ ba, ama ta *bay-ray hay ŋga mesəfney maaya ba hay masa ta gədaŋ ga, ma wam da ray cek hay daa ləvaŋ da bəla keɗe. Asaya, ya da kakwa vəram na, ta mesəfney maaya ba hay ma wam da vaɗ.

Leeter masa Pawl ma wuzlalatara a Kwalaws hay 1:16

Aŋga mahura maja ara ta fa aŋga, Gazlavay ma ləmta cek hay tabiya da vaɗ ta cek hay tabiya da hwayak, cek hay tabiya masa aləkwa ma gwakwa ŋga nəktakwa ta dey leŋ cek hay tabiya masa ma hətam ba. Ta fa Bəzey aŋga ha, aa ta ləmtərwa cek hay masa ta gədaŋ la, kwa maslaŋ aŋga hay da vaɗ, kwa bay hay da bəla, ta *bay-ray hay ŋga mesəfney maaya ba hay leŋ kuley hay. Yaw, Gazlavay a ləmtərwa cek hay a tabiya na, ta fa har ŋga Bəzey aŋga ha, asaya, a ləmtərwa ŋgada Bəzey aŋga ha .

Leeter masa Pawl ma wuzlalatara a Kwalaws hay 2:10

Akwar macəmkaya ta Kəriste ŋgene na, ka hətam heter mawiya ma sawa ta fa aŋga la, heter e ŋgene a həckwar daa ba. Kəriste he aŋga mahura da ray ndəhay, aŋga mahura da ray kuley hay, aŋga mahura da ray maslaŋ hay ŋga Bay Gazlavay da vaɗ, aŋga mahura kwa da ray cek hay tabiya.

Leeter ŋgada Hebəre hay 2:14

Ndəhay aŋga hay a na, ata ndəhay magədaŋ. Ara maja ŋgene, Yesu ma tərey ŋga ndaw-magədaŋ anda ata may. A ka kəne na, amba ta fa meməcey aŋga aa zəɗda *Sataŋ, bay-malula, ma handərwa meməcey a bəla.

Cek masa Yesu Kəriste ma wuzar a Jaŋ 20:10

Bay-malula, ndaw ma batata ndəhay daa hwayak hay tabiya heyey na, ta’, a kərzamara, a kəzlamara aa dəhwa ŋga awaw masa ta kakas maa kuray-bəzey mezey maaya ba, ma gəɗey njəm-njem heyey. A kəzlamara ha na, a cakay ata cek ŋga ley leŋ *ndaw ma təla mey ta membərzley heyey. Daa awaw aha na, ata cəpa a da səram banay taa vaɗ, taa pas ŋga sərmataw.